|
انحلت المشكلة لكن...... بسم الله الرحمن الرحيم السلام عليكم و رحمة الله و بركاته بعد ما أفادوني الأخوة في موضوع الخيط الخاطيء تحسن الوضع كثير بعد تغيير الخيط و اعتماد الأذكار و الأدعية و و و..... و الحمد لله لكن طرأ شيء جديد حاولت هالمرة أصيد من الرمي البعيد من على الشواطيء فحصلت مكان قريب مني استخدمت الحبار شرايح و رؤوس انا استخدمت صنارتين للعملية عشان يكون المسك اكيد و بالبداية مسكت خثاق (حبار) كبير و جبته لين ما وصل عندي و شرد ما أعرف كيف فلت لكن قالوا الشباب أن لازم تكون معي شبكة عشان أسحبه خارج الماي. استمر الوضع على هذا المنوال و السمك يضرب بقوة و أسحبه شوي (نقول مترين سحب و هو عالق) إلا و يفلت بعد 10-15 ثانية من السحب!!! مرة ضربت علي سمكة و حسيت بالقصبة و هي قريب تنكسر تطلع أصوات لكن للأسف انقطع الخيط (أسنان كأنها أمواس) المهم هنا انتقلت إلى الربيان الربيان كان يفلت بسرعة و نفس الحالة سحبة و شردة! السمك من قوة شده 100% أكبر عن شبرين لكن قسمة و نصيب هنا استحمقت و شليت الخيط الصغير و مسكت معي سمكة صغيرونة و هي بحجم سبابتي تقريبا ضربت براسي فكرة الطعم الحي (أقلدكم) أول ما رميته و انا أثبت القصبة و أشوفها تلتوي بقوة! و أحملها و تفلت السمكة للأسفو أنا أسحب و أشوف أن السمكة الحية الصغيرة اختفت بالكامل بضربة وحدة! تحمست و مسكت ثانية و نفس الأولى رميتها لكن هالمرة سحبتها بقوة و لكن شردت السمكة مثل الاولى و هالمرة لما طلعت من الماي شفت راسها و جزء من بطنها مختفي! تخيلوا السمكة الوديعة المسكينة جاتني في أي حالة ههههههه المهم من هذي التجارب كلها لي سؤال واحد مهم فيصل بين الصيد و عدمه ليش ما تثبت الاسماك معي على الصنارة مع أنني أسحب بقوة أول ما تبدأ تسحب عشان يعلق و بعدها تفلت!!! إيش أسوي لو ضربت سمكة كبيرة هل اخليها و لا أشطها (أسحبها بسرعة و بقوة) يعني ما اعرف من تضرب معي سمكة كبيرة أبدأ أسحب و هي عالقة معي لكن بعد ثواني تنفلت و تشرد!!! ليش كذا؟ |
| الساعة الآن 01:15 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir