الباترول97 هبل بي الفزعه يا اصيل حجازي
 

بسم الله الرحمن الرحيم
السلام عليكم ورحمة الله وبركاتة وبعد
ياخوان الباترول مادري وش جاه من يوم شريته اذا كان الموتر بارد كل انوار السياره تكون ضعيفه واذا دعست تقوى واذا فكيت الدعسه تضعف واذا احتمى الانوار تقوى بدون مادعس ويصير الوضع عادي قبل فتره كنت ماشي ووقفت عند الاشاره وطفى وبعده بيومين نفس الكلام كنت مسرع ويوم وصلت الدوار وهديت ويطفى وادعس بنزين ويشتغل يوم جاء من بكرا ورحت اشغله عشان اوديه للكهربائي وادق سلف ولا اشتغل سويت له اشتراك واشتغل وديته لكهربائيين واتفقوا ان الخراب من الدينمو رحت للمحلات وما حصلت اصلي كل اللي موجود مجدد رحت التشليح وشريت اصلي وركبته عند التشليح واشغل ولا يشتغل وانتعه واخليه شغال عشان يشحن ومره وحده طلع ريحة حريق قالي راعي التشليح انه الدينمو له 3 شهور ماشتغل فيمكن الريحه منه ركبته معي ومشيت اشوي الا الانوار ضعيفه وادعس وهي هي وعداد البنزين والضغط واقفات ماتحركن والنورحق الطبلون بين رقم 80 و100 طافي وباقي الارقام شغال والنور اللي عند ازرار المكيف طافي والنورالخلفي طفى ورحت لم الكهربائي وقالي الدينمو مايشحن وفكيت الدينمو ورجعته لراعي التشليح وركبت الدينمو القديم ووديته لورشه مشهوره بالجيوب وشيك على سلك الماص وطلع يهرب كهرب وركبه زين واخذ الدينمو وفكه ووران اياه من داخل وقالي الدينمو خربان فرحت وشريت مجدد وركبته وضبط وبالنسبه للانوار اشتغلت انوار المكيف والانوار الخلفيه غيرتها واشتغلت وبعد يوم صار اذا مادعست كل السياره تكون ضعيفه الانوار والمسجل والبوري والدركسون اما اذا دعست كل شي يشتغل تمام ادري طولت عليكم بالحيل لاكن الحشم فيكم وانتم قدها ان شاء الله
والسلام خير الختام