منتدى استراحات زايد - الشايب والورع ............. ....حامد الحنيني

السلام عليكم ورحمة الله وبركاته

صباحكم ومساكم الله بالخير

اسعد الله اوقاتكم وتحيه عطره للجميع

اليوم جايبلكم قصه سمعتها من شايب وهي فكاهيه قطعت قلبي من الضحك :good2:

يقول سنيت من السنين ماهو بعيد به رجال شايب

عنده مزيرعه عند بيته ورزقه على الله ثم على هالمزيرعه ويوم قام

هكاليوم الصبح كالعاده ويشغل الغطاس يبي يروس ويزي المزرعه الى والله الغطاس

مايشتغل ....عدل بدل مابه فايده الغطاس خربان والعيال رايحين الدوامات واللي رايح

المدرسه وهو شايب مايقدر ينزل لحاله المهم فكر الشايب قال ماهنى الى فلان

ورع عنده دوبه متعلم السواقه المهم يصوتله يافلان يافلان ... سم سم يايبه

قال :تعال وانا ابوك شغل الموتر وشفني ابا اربط الحبل بالموتر واحطه بهالمحاله ودق ريوس

شوي شوي وانا ابوك .... قال الورع زين يايبه المهم نزل الشايب بالقليب وزين الغطاس

ويوم نوى الطلعه ويصيح على الورع قدم الموتر وانا ابوك شوي شوي :p

المهم الورع عليمي بالسواقه والموتراللي قدامه طلعه وهو يحط الموتر بواحد وشوي

شوي لين يقرب الشايب لجال القليب يبي يطلع وهي تنتع الموتر يوم وصلت

الطلعه وتدحدر على الريوس ولايردها الى البلك اللي محوط على القليب والشايب

مايرده الى الماء :D المهم وعلى هالحاله الشايب ياما طلع ياما نزل

والشايب تخرب اخلاقه وهو يتنهزر(يهاوش) الورع سق زين لأجيك :mad:

المهم الورع يحط الموتر بواحد وهو يزر الموتر ويتعدى الطلعه يمشي مليون:D

ويوم ناظر بالمرايه الى ابوه والمحاله والحبل بالهواء:D ولا يرده الى القاع

يوم نزل لأبوه ولى وش يشوف :eek:!!!!!!الرجال متمدد وجهه كله دم وغبار وحالته

حاله والورع يركز ساقه للبيت وهو يجي امه قال انا ذبحت ابوي قالت وشلون :eek:؟؟

قال هاللون!!!! تعالي وشوفي والحرمه تركض مع الورع يوم جت لو الشايب

قايم يتنفض من الغبار وحالته حاله هدومه متقطعه ودم وحاله يعلم به الله

قالت المره انت سلمت يابو فلان؟؟؟؟ قال: ايه سلمت والله لايبارك بولدك

بغى يخليني من صيد امس:D

لاكن ماقوال الى(الشرهه ماهي على الورع الشرهه علي اللي سلمت الورع عمري )

انتهت القصه اتمنى اني وفقت في سردها

لكم تحياتي وفائق احترامي

ودمتم بود

الحنيني
...............................................................