منتدى استراحات زايد - فيه ابيات بلونها بغير لون القصيده اسال الله ان ينتفع بها

ياطيـر عقبـي كـن خـاطـرك شـايـن =-=-خاطـرك شيـن وغيبتـي عنـك يوميـن
النقـص فيـك مبـيّـن لــه بـوايـن-=-= في لمعـة الريشـه وفـي ناظـر العيـن
ياطيـر انــا ويّــاك كـنـا خـدايـن =-=وبينـي وبينـك ولـف ومعامـل ٍ زيـن
يـوم انتخـاوى مـع وجيـه الضعـايـن=-=-= ونهمل سبوقـك فـي مناكـب خسيريـن
وألا شـمـال الهضبتـيـن الـقـرايـن =--=شرقـي طـلال ومـن سواحيـق ويميـن
وألا عطـيـنـا سـكــة التـابـلايـن =-=-ولا قـد عطينـاهـا عليـهـا حـراذيـن
نصبـح علـى طـارات شهـب المكايـن-==- بـيــن العراقـيـيـن والاردنـيـيـن
فـي خايعـن بـه كـن عينـي تعـايـن -==-ربد الحبـاري بـه علـى اربـع وثنتيـن
ونأخـذ لنـا ايــام بـذيـك الدفـايـن-=-= مابيـن برقـع والـغـدف والبسيتـيـن
ونكسـر علـى ماينحـدر مـن ضوايـن-=-= ونأخـذ هنـاك اسبـوع والا سبوعـيـن
وننكـف نشـاط وسالميـن الصخـايـن =-=ولـو كـان نتعـب عندنـا مستريحـيـن
قــدّام يطـلـع للصـقـاره زبـايــن=-=- نـاس تحـوش القوبعـه بـام روحيـن
ليـا روحــو بمشحـنـات الخـزايـن-==-= مـافـي نحـاهـم ذوقــوه الامـريـن
والـيـوم مابيـنـي وبيـنـك مـدايـن=-=-= انا سعودي وانـت جايـن مـن الصيـن
وان مالقيـنـا للـحـبـاري عـوايــن=-=- ولا تـوادعـنــا وداع الـمـحـبـيـن
الـوقـت ماتالـيـه معـنـا بـزايــن =-=-=والبـر فـي حـادور مـن حيـن لاحيـن
ادنــاه ملـيـان كـراتـيـن فـايــن =-=-واقصاه ضاق وضيقوا بـه هـل الضيـن
وضاقـت مناهـج طيبـيـن الضغـايـن =-=-اللي علـى المقنـاص بالطيـر ضاريـن
واليـوم كـان اللـي يحاكـيـك مـايـن=-=- هـذي سبوقـك وانتهـض بالجناحـيـن
وهاجـر مهاجـر مبـحـرات السفـايـن =-=-للصين والا اهبـط علـى ضلـع قزويـن
لـو كـان عنـدي مافـراقـك بهـايـن=-=-= حنـا عــزاز ولا نهـيـن العزيـزيـن
خلـك تــروح ولا تـشـوف الغبـايـن==-= شاملـك عفـوِِ مثـل عفـو المساجـيـن