عقب اليوم خلصنا من المقناص وهونا عن طرد القميري والبواريد للبيع
 

السلام عليكم ورحمة الله وبركاته
اخواني المكشاتيه اتمنى من الله ان تكونوا بصحه وعافيه
يوم الثلاثاء تاريخ 8-10-1432هـ مشيت من حائل الساعه 10 مساءً والنيه جهة تربه توقفنا بنفود تربه عند مزارع الشريم بعد تربه ب 10 كم نمنا والفجر يوم الاربعاء قمنا على اساس ندور القميري المهم خويي شاف سيارة تمشي من عندنا قال اسبقهم نبي قبلهم المهم مشينا ويوم وصنا للمزارع والله ياخوان اننا انصدمنا بالمنظر والله ودون مبالغة كل شجرة فيه من شخصين الى ثلاث اشخاص تقول هالعالم ماهي لاقيه تاكل والله نتعدى المزارع لجهه الغرب ونلقى قميريه وحده بس
ونقوم نضرب المديورة لحايل صدمه صراحه من زمان اقنص لكن زي هالسنه ماشفت لا والادهى والامر اي شي يطير على طول صيد قوقسي قمري ام عريف غراب اي شي يصيدونه واكثرهم اعمارهم تتراوح بين 15 الى 25 بس
ونرجع لحايل وبالطريق عند قرية (اسمها المياه ) عند الشعيبه شفنا اثل كأن مافيه احد ونلف لمه والا كل اثله تحتها سيارة والا كل واحد معه عايلته ومن صباح الله خير قلت لخويي والله لو حنا ميتين جوع ماندور والعالم كذا والله لو رزقنا على هالطيور مشينا بس والله ونرجع لحايل
السؤال اللي يطارح نفسه
هل الصيد متعه ولا اباده؟
هل تتوقعون ان النزل ينقطع او يغير مسارة عن الجزيرة العربية؟


خلاص هونا تبنا عن الصيد وطردة مالنا الا الحجل هو حبيبنا ماحد ياصله؟
وهذي صورة القميرية اليتيم الوحيدة
http://www.shrta.com/upload/uploads/...ad3b016588.jpg