منتدى استراحات زايد - فرس عربيه للبيع

بسم الله الرحمن الرحيم

السلام عليكم

بداية ( ابكتب اللي بخاطري )

تخيل تعرض عليك فرس لقاح ومعه مهره وطبع زين وعمر صغير بكم تتشتريها
اكيد فوق ال١٠ آلاف او فوق ال١٥ الف

لكن الغريب ان يجي واحد من الاعضاء ويسوم ب٦ الاف ماهب عيب

يا ناس يا عالم يا فرسان عطو الخيل حقه وصغير السن واللي ما يقدر يشري بقيمة زينه لا يشري شيء يقعد عند اهله وإلا يروووح لاحد الاسطبلات ويركب لين يمل

لكن تجي وتسوم وتبخس سعر الفرس اة الحصان وثم تقول ابسوم على قد قروشي ؟
الا الله يجزاك خير لا تسوم ولا تقرب السوق لين تكمل قروشك

ورجاء كل الرجاء تقرأون شروط البيع والشراء قبل السوم .

ثانيا

الاحظ وكل يقرأ مثلي

تلاقي الموضوع ٥ صفحات والسوام واحد
هل غصب ترد وتكثر مشاركاتك بالتبريكات
الله يجزاك خير دع الدعاء بينك وبين نفسك

وارجو من ادارة المنتدى وضع حد لهذه المهزله

والادارة مشكورة ما قصرت يتعبون ويتابعون لهم كل الشكر والتقدير

هذا ما جال وجاش وهستر بخاطري

واعذروني

واللي عنده شيء اضافه او نقد يقوله والموضوع ما وضع الا للنقاش
وارجو من الادارة ترك الموضوع في منتدى السوق لو لمدة اسبوع واحد

وشكرا لكم

الشاعر الفآرس