منتدى استراحات زايد - احذروا مركز الملحم لتصليح السيارات +++ نصب واحتيال+++

السلام عليكم

سالفه صارت لي مع الملحم لاصلاح هيدروليك لوكلون نافيقيتور

قبل فتر خرب على واحد من الربع هيدروليك اللنكن وصارت السياره نازله على جهه وحده

يعني البالون الي على اليسار الامامي خربان والسياره نازله على الكفر لدرجه ان الكفر قريب ويحك في الرفرف والسياره غير متوازنه

ودينا السياره للملحم فرع الثقبه وفحص السياره كمبيوتر وطلعت النتيجه والمصيبه

قطع غيار بقيمه 7000 ريال وشغل بد 2000 ريال

منها مساعدات اماميه وبالونات مفقوعه وحساس قيمته 1100 وسنسور ما ادري من وين طلع وحساسات و و و اشاء واجد نسيت اساميها

وقلنا له طيب بدلها يايات

قال بتكلف حوالي 6000

ما اعجبني الكلام وقنا خل نروح لاي احد يبدلها يايات وبنشوف بكم بتصير واكيد انها ارخص من عندهم

رحنا لميزان عادي وورشه صغيره ودخلنا تحت السياره وفتشنا فيها ولقينا المشكله والطامه الكبرى

الخراب طلع من الميزان حق ارتفاع السياره طالع من مكانه بسسسسسس

تركيبه في عشر ثواني

اول ما ركبناه اشتغل الماطور حق الهوا وارتفعت السياره وصارت السياره سليمه 100 %

يا عالم حديده صغيره ركبناها في وحده ثانيه في اقل من 10 ثواني وزانت السياره

الدليل على الكذب ان السياره مافيها مساعدات ولا حساسات ولا سنسور مثل التريلات الي يسمونها منافيخ مافيها مساعدات

كلها ماطور وميزان صغير جنب البالون

كيف يقول مساعدات وبالون مشقوق وحساس بـ1100 و و و و و و و

والله العظيم يا ناس هذا الي صار معنا

9000 ريال والخراب حديده طالعه من مكانها صلحناها في 10 ثواني وببلاش

المشكله اني ما امداني اصور الخراب على شان يكون اوضح لكم ولا لقيت له صور في قوقل

انتبهوا انتبهوا انتبهوا

واسف على الاطاله