سنة دراسية جديدة ( وتبدأ معاناة الدراسة ) انتظر حلولكم
 

السلام عليكم

يا جماعة الخير انا السنة الماضية مستواي الجامعي نزل شوي والسبب كرهت الكتب كره غير طبيعي

افتح الكتاب عشان احفظ جملة او سطر اقعد وقت طووووووويل ومالي خلق وكل شوي اتحجج ابي اطلع ابي اروح وكل شوي اناظر الجوال و من هالكلام

والله ما ادري وش الحل وكيف اركز في هالموضوع لأن الوالد كبر بالسن وله فترة يقولي ها متى بتخلص

ودي اخلص وافتك من الجامعة و افرحه ,

لكن تعبت والله احيانا تدمع العين لأن ودي اذاكر و احفظ لكن ما اقدر

السنة الماضية حاولت حاولت لكن دون اي فائدة

وبالاختبارات النهائية تورطت ولا لحقت اذاكر شي

فما ادري وش تنصحون وش الطرق الي تخليني اركز واذاكر




انا حاطط هدف قدامي لكن مثل ما قلت اواجه صعوبة التركيز او الحفظ او حتى اني اقعد مع الكتاب لساعة كاملة دون ما اسوي شي

ان كان عند احد اي حلول رجاء عطوني وجزاكم وايانا ربي الجنه اللهم امين