السلام عليكم ورحمة الله وبركاته
اخواني الاعزاء مسيكم بالخير..ومبارك عليك عليكم ما بقى من الشهر المبارك
واسال الله تعالى ان يتقبل منه ومنكم صالح الاعمال جميعا

هالموضوع كتبته في منتدى البريه ..وحبيت اجيبه هنا ..فمدري يا مشرفين ..هل انا مخالف القوانين ولا ؟ جزاكم الله خير

انتم خابرين الوحش اول ما ينطرح ويتبرقع .. ما عاد يقدر يوازن نفسه لانه سبحان الله من هالحريه والطيران والعالم.. فجاه الى ظلام, الطير يكع بريك هههه ..فصعب يوازن نفسه .

وايضا تلاحظ لا جيت بتروض الطير وتطيح الي براسه في اول ايام يكون شاد اصابعه بقوة حتى يوازن نفسه بشكل افضل.

لكن في طريقة المنغول يستخدمونه مع النسر حتى يعلم النسر التوازن بشكل اسرع وهي المرجيحه ( الله يجزاه خير اخوي صقار النزاره .افادني بالاسم)

تضع خشبتين.. بين بعض حول متر او اقل بشوي

وتربط بينهم حبل ( نفس الي يستخدمونه عندما تصفط الباخره) حتى الطير يرتاح ويقدر يوقف .

ثم تجيب الطير وتحطه فالوسط وتراقبه شوي ثم تخليه ..بتلاحظ انه بيبدا يوازن نفسه

ادري شرحي شوي صعب لكن رسمتلكم صورة ان شاء الله بتوضح اكثر

http://www.m5zn.com/uploads2/2011/8/...4xcrrg3iq5.bmp

1) الخشبتين
2) الحبل
3) العشب الصناعي الي على الوكر
ونسينه 4 ) عزام هه ما شاء الله ابيض

هذا يا اخواني الطريقة الي حبيت انقله لكم بشرح بسيط جدا وان شاء الله ناجحه ..سامحوني على اي قصور
واتشرف بمرور الجميع.

تقبلو تحياتي
اخوكم
فالكن 1

والسلام عليكم ورحمة الله وبركاته