|
شعيب الطيري للايجاااااااااار اسعد الله اوقااتكم بكل خير اصبحت شعباان الرياض وما حولهاا محجووزه طلعت اول يوم العيد باليل قلت اناام قريب من شعيب الطيري واصبحه بعد الفجر مع شقت النوور ويطلع الفجر واصحي خويي ونصلي ونضف فرشناا مع شقت الفجر وناا اقوول في خاطري سبقت النااس ون كان فيه نزل عز الله بكون اناا السابق وحناا ناصل الشعيب وتفاجاا ماشالله الناس نايمين بالشعيب من البارح وكل موترين محوطين لهم كم اثله ومحتكرينهاا لهم والي صاحي منهم يقنص دخل والي نايم وعزبهم بالارض وتقدم وننزل وعلى هالحال كل مكان زين محجووز قلت ياولد ينعاف الصيد هناا خلن اروح شعيبي الطوقي وعارفه وعارفن وارجع لاطوقي وادخل وتقدم والله المستعاان ما عاد هوو حجز الا خياام منصووبه والمشكلله يختارون الاماكن الطيبه الي يكثر فيهاا النزل ويدقون خيامهم وعلى هالحال لين طلعت على الرمحيه والله ياجماعه اني اشوف الدخل حولهم لاكن صعبه انزل وصيد جتبهم الواحد يستحي مالكم بالطويله>>>>>>>>>>> صار القنص حسد بحسد ولا تحاسدوو قلت البركه واقول للي حاطين خيام والي حاجزين الطلاح عيب عليكم والاكيد انكم منتوو راعين قنص لان راعي القنص طير حر مايحب يقعد ابمكان واحد ولا يحب الا انه يبعد بالخلاااا كل عمرناا نصيد ما شفناا مثل هالحاله كنك مخيماات الشرقيه بالهافموون وهاذي سالفه للعبره ونا امشي وسط الشعيب اشوف القنوص المبزره الله يكرمكم يسقط عليك ويروح ينزل واحد من اخوياه ويتقدم بعد طلحتين وينزل الثاني ويتقدم بعد شوي ويوقف موتره وهو يتقدم شوي يعني افهمه حجزنااه قبلك وتروح وتقدم وشوي الا وهو صاقط عليك ونفس الطريقه والله اني بديت انزل بينهم وقلت الي مايستحي منك لاتستحي منه وهم يناضرونك بحقد كنه شعيب ابوه والله المستعان اخاف السنه الجايه يبدوون يجرون عليك الطلاح اجاار وياجماعه الحسد واطمع يمحق البركه بلاد الكفار ماتحاسدوو وعندهم القميري اجوال اجوااال وحناا مسلمين حب لااخيك ما تحب لنفسك ونسمع ردوودكم ومشاهداتكم والكم مني اجمل تحيه |
| الساعة الآن 02:40 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir