اهلا عدد ماناحت الراعبيه=واعداد ماغنى حمام البساتين
واعداد ماهل الشهر بالوفيه=واعداد مااذن اذان المصلين
واعداد ماهل الشهر بالوفيه=من يوم واحد لي كمل ثلاثين
عالاسلام واسرائيل والتابعيه=وجمعة خليج عمان والهند والصين
بر اليمن والمملكه الهاشميه=بما حضا المغرب ووادي الحرمين
الاحناف والمالكي والشافعيه=والحنبلي وتونس ودلهي وفلسطين
يتني من الشاعر حروف غربيه=ياحي ذاك النظم كتب التمدين
ير الحبر كنه قلم طابعــــــــيه=ولي كتب ماعلموه الدليهين
هودارس الحكمه وفن وصبيه=وفن الشعر ليهم مخلف وفطنين
رحبتبه ترحيبة خاصــــــــيه=ترحيبة تنعش قلوب المريضين
قم يانديبي فوق المخدريه=مورسديس لي وردوه السلاطين
مالعوزه الهنود فالبلديه=لا كاسر الشاصي ولا فيه جمبين
بقرام ومسجل ورادو وغيه=وشاعر يلحن فالمسجل تلحين
والا على صاروخ سيره بليه=تلقاه ساهي ومطبق بالجناحين
يعكس وعنده ياملى خارطيه=ان سار بيعود عليك بلحضتين
شل السلام وشل مني وصيه=لين الرفاقه عشرة الاف تامين
عالشيخ معضد الاول بالاوليه=هوهو وبني عمه وجمع المحبين
زبن الضيوف ومركز العنصريه=وشيوخ قدوه من جناب المقدين
قله الشاعر خصكم بالتحيه=وانتو فراديس محضه ياعزيزين
واعيال بن نعمان ذخري وليه=واحبهم من محبة الحسن لحسين
وثاني النويبين فالطلبيــــــــه=ياشيب عيني لانهم هوب هزفين
ونعم الرواشد هالبنات العبيه=لي هرعوهن بالعدو بالريديفين
وسيف الشجاعه للميايسه عطيه=من واحد علام فيه التكوين
سلم عاهل ليوا صباح وعشيه=اهل العقل وان صابهم شي حمقين
وبنت الغوانم تنخذ لو خديه =وتلقى ولدها ياخذ الثار فلحين
يتواحدو عالكلمة عصرميه=وسيوف قطع ماتردوا ضربتين
وكل واحدا منهم يعزم عالنيه=تلقاله عقده بين الحياييـــــــــــن
تلقى العذارى دموعها ناثريه=عالفعلهم تشكي الحسايف اسبوعين
ويالشاعر المشهور فالمنطقيه=نتشرف بشوفك لكن شغيلين
وليلة بتظوي لك من الله عطيه=بنبات في اكبر وناسه وشرغين
والدار تزهي بوصلكم ياخويه=كان العرب في عيد نحنا في عيدين
ارفعت كفي فالوتر الاخريه=تصعد الى عرش السما قولت امين
عسى عدوكم علته باطنيه=وسط الحشا ويكون منة المظلين