|
طريقه تخلي الطير يطرد الحمام .................. حامد الحنيني السلام عليكم ورحمة الله وبركاته هذا اليوم حبيت اعطيكم طريقه ممتازه ومجربه للطير اللي مايرغب الحمام والطريقه سهله بأذن الله ولا يبيلها سوى الصبر اول شئ ان الطير يكون صغير بالعمر ماهو قرناس كبير يعني من فرخ الى ثنو وكما قيل (العلم في الصغر كالنقش على الحجر ) اول شئ تنزل الطير شوي مايكون صنيع.. وطبعا هالكلام بعد ماتلوح للطير 20 او اكثر اذا طلعت للمدعى على طول لوح للطير كالمعتاد وعط الطير نسر وبرقعه وبعد ساعه او اكثر تاخذ لك حمامه وتنتفها تخليها ماتطير وتهد الطير وتخليه يطرحها قريب وخل الطير ينتف واذا بدأ يعلف قرب منه بهدوء وامسك جنحان الحمامه واسحبهن بأتجاه معاكس لبعض راح يكون كل ثندوه مع جناح نقز الطير على احد الثنادي وطق وكره وخله يعلف وبرقعه واستمر على هالطريقه من عشرين يوم الى شهر بحيث تخلي الحمامه بكل يوم تاخذ مسافه اكثر مع الاخذ بعين الاعتبار ان الطير لازم مايفلس من حمامته وبأذن الله بعد هالمده هد على الحمام وماراح يتركها بأذن الله هذه الطريقه مجربه من صقار خبير ونجحت مع طير بكر واتمنى تنجح معكم جميعا . انا اعرف فيه ناس يقول انا ماتهمني الحمامه لاكن فيه ناس يهمهم ان الطير يهد على الحمام واغلب اللي يدورون الطيور يقول ابي اشوف جناح الطير على حمامه ماهنى غيرها اتمنى ان الموضوع يفيد الجميع وتحياتي لكم . |
| الساعة الآن 08:08 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir