|
إلجأ إلي ربك ستجد مايسرك الحمدلله والصلاة والسلام علي رسول محمد صلى الله عليه وسلم اخواني اعضاء ترايدنت عنوان موضوعي هو : الجأ الي ربك ستجد مايسرك اخواني اليوم ابي اناقش معاكم موضوع عن اليأس في الرزق والرزق بيد الله سبحانه وتعالى يؤتيه من يشاء من غير حساب ومن حيث لا يحتسب كما يعلم الجميع بقول لك سالفه واقعيه حصلت معي قبل نحو 7 سنوات والله العظيم كنت اعمل في شركه راتبها 1000 ريال وطبعا كلكم يعرف موضوع التامين وهو خصم 90 ريال من الراتب وعلي هالحال وياليت كذا اخذنا بالشركه هذه 6 شهور ما اخذنا راتب ولا ريال حتي سلفه مافيه لين اشتكينا وبالقوه مع الشكاوي لااماره المنطقه جات الرواتب انا ماابي اطلع من لب الموضوع وابي اركز في شيء واحد انا خريج جامعي ولا حصلت وظيفه وكنت اعمل بهالشركه وانتقلت لوظيفه وكنت احمد الله عليها بالرغم ان الراتب مازاد الا 300 ريال يعني اصبح 1300 ريال وبعد يخصم منه التأمين في يوم كنت جالس مع واحد من ربعي قال ابي اتصل بديوان الخدمه المدنيه ابي اشوف رقمي في الترتيب وين وصل سالهم وقالوا له رقمك 136 قلت له اسألهم عني وعطيته رقم بطاقتي الشخصيه قالوا له رقمه 255 بالحاسب سبحان الله صديقي هذا قفل الخط تدرون وش قال لي باللفظ (( ياحرام انا بتوظف قبلك )) وبعدها باسبوعين ربك يرزقك من يشاء من غير حساب اتصل فيني ديوان الخدمه المدنيه وقالوا انت مرشح لوظيفه رسميه بالمرتبه كذا تعال لنا لجل تكمل الاجراءات رحت لهم وانا والله العظيم مو مصدق لكن ربك يرزق عبده تعبت قبل اتوظف ولكن والله ثم والله ماخليت الشيطان والوساويس تلعب بي ولا خليت لها مجال واظبت علي الصلاه اكثر واكثر وكنت يعلم الله اسجد لله وابكي من داخلي ابي حل لااموري ووضعي ......... اخصلت لرب الكون في النيه واخلصت له في عملي بالسر والاحسان لوالدتي وكنت احاول اني اتجنب كل شي يغضب ربي لجل اطلب منه الرزق ومن غيره راح يرزقني وينجدني في هذا الكون لجأت له بكل قطره دم في قلبي وكنت وانا رايح للمسجد ادعوه واطلبه واتضرع اليه بقوه كنت اساعد كل من يحتاج رغم ان راتبي قليل وقتها لكن دعوات الناس لي كانت من اسباب رضى ربي علي الحمد لله استجاب ربي لدعائي له الحمد وتغيرت الاوضاع الي الأحسن قال الله تعالى: وَمَا أَنفَقْتُمْ مّن شَىْء فَهُوَ يُخْلِفُهُ وَهُوَ خَيْرُ ٱلرَّازِقِينَ [سبأ:39]. يااخوان والله العظيم ثقوا بالله واحسنوا العمل لوجه فوالله ووالله لن تملك ما تتمنى الا وانت ساجدا لربك مخلصاً له النوايا في كل شي غير من حياتك وتوجه الي ربك انا مااسوي ندوه في موضوعي هذا ولكن يعلم الله ماحصل لي كل يوم في داخلي اقول ابي اكتبه يمكن احد يجرب ويسوي مثلي وتتغير حياته مثل ماحصل معي واكون اخذت اجر ودعوه منه بالغيب جربوا هالشي ووشوفي النتائج رزق من كل باب يفتح لك وانت ما تشعر فقط جربوا اخيرا انا كتب هالموضوع لاني صادفت كثير من الشباب همه بس يبي وظيفه وهو ناسي ربه فكيف يبي ربه يرزقه وهو حتي لوجهه الكريم مايسجد او يتصدق بل ان البعض والله عندهم عقوق والدين ما شفت مثله بحياتي ولا يسألوا عنهم وش ناقصهم او وش محتاجين والغريب تلاقيه يشحن النت والجوال وهو ماخذ هالفلوس من والديه اما من ابوه او امه ياسبحان الله قال تعالى: قُلْ مَن يَرْزُقُكُم مّنَ ٱلسَّمَاء وَٱلأرْضِ أَمَّن يَمْلِكُ ٱلسَّمْعَ وٱلاْبْصَـٰرَ [يونس:31]، ملاحظهـ واللي عنده قصه بعد او موقف حصل له بخصوص هالشي يذكره هنا بالموضوع لجل نستفيد من هالشي تحياتي لكم واتمنى الفائده للجميع |
| الساعة الآن 10:45 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir