منتدى استراحات زايد - و الطير باخر ربطته الشين صابه ... وعقب الشناذر يرجع الطير نوماس { بقلمي }

السلام عليكم ورحمة الله وبركاته
مساكم بالله بالخير و أهنيئكم بحلول عيد الفطر المبارك
أعاده الله علينا و عليكم بالخير و المسرات
كتبت قصيدة عتابيه نوعاً ما في واحد من خوياي
و حبيت أعرضها لكم و آخذ بنتقادكم و آرائكم
و سالفة القصيدة موضح بأبياتها
أقول فيها :
ربعي انا غامد ملاذ الذيابه
...........تجالس أحرارٍ ومجلسك له ساس
محنا من اللي له هم وغدا به
...........أشارك الزيزوم طلعات الانفاس
لا دق ابو خالد و قالي خطابه
.........و جتني علوم تذهب الضيم و الباس
لا قال ابي مقناص فردي هلا به
........وان قال ابي مقعد فالطيب مجلاس
وان قال انا بنخيك منخي ذيابه
.........فنحري على شانه بيندق وينداس
وان قال وينه صاحبي وش جرا به
.........ما عاد نسمع نبرته ألف لا باس
قولوا له اني فاقد لي صحابه
..........مكرمين الضيف من دون ابخاس
و منته على خبري و نصر شئ مابه
.........انت الوحيد اللي لك العز نبراس
ولكن ترا شعري بيهون كتابه
..........يكتب معاريفك بحبرٍ وقرطاس
و الطير باخر ربطته الشين صابه
......و عقب الشناذر يرجع الطير نوماس
وهذي شناذر قلتها بالكتابة
........يالله عسى هـ الطير يرجع ولا باس
سهيل لامنه لفا قل هلا به
.........القطعة تكفى خلها جنب الامواس
وهذي حكاية قلب يا كم حكابه
........علوم بأوزان الذهب وشوية أمواس
و صلاة ربي عد دمع السحابة
..........على النبي اللي له الخير ع الناس
وسلامتكم