منتدى استراحات زايد - بعير الجيران..قوافي

بسم الله الرحمن الرحيم

اهلا بكم ويامرحبابكم اخواني واخواتي المكشاتيه

سكنا بيت جديد ولم نكن قد انتهينا من تصفيف عفشه او تركيب مكيفاته فقلناننام بالسطح وبينما كنا نيام واذابــــــ اعععععععععع

تناقزنا من فرشنا بسم الله وشوذا وشوي الااععععععععع

ماطبقت عيوننا ولاساعتين على بعض .وقال الوالد من اصبح افلح هذا صوت بعير ونشوف باتسر من وين ها الصوت .

من 40 سنه عادي شبك جنب البيت فيه غنم اودجاج كما يحب اهل المنزل وهذا هوالتطور بعد اخراج القوع من المزل لان البيت العربي صار فله ولايصلح وجود بهايم اعزكم الله بداخله مع الاكتفاء بالدجاج بالحوش اللي هي الحديقة الغناء بس بعير غريبه .

بالصباح سلم الوالد على الجار وسأله عن الصوت ؟ !!

هنا صارت غلطه ابوي سأل عن الصوت ويقصد البعير لكنه سال عن الصوت فقط لانه لم يرا ما يدل على ان البعير بجوار منزل الجيران واعتقد انه عند احد البيوت الخلفيه .والجار توقع انه يسأل عن سبب وجود بعير بحي سكني ..فقال انه الوالد ويقصد انه ابوه وهو كبير سن ولا نقدرعليه والله يجزاك خير تحملوه شوي ابوي توقع انه يقصد ان الصوت للشايب مريض وقال خير ان شاء الله ابوك مثل ابوي ولا اهنا ضيق ولا شي واستغرب الوالد ..

وكل ليله ونحن على هذا الحال لمدة 9 ايام ووالدي يقول لعله اليوم اهدى الله يعافيه ويشافيه فهوا متوقع ان هذا صوت والد جارنا مع اننا ننام بالغرف بعد تركيب المكيفات لكن مازال الصوت موجود بس على اقصر من اول.

وبيوم عاشر نادا جارنا الوالد يتقهوا معه عقب العصر بحوش بيتهم ولا البعير بحوش البيت الخلفي جنب المكان اللي بيتقهوون بوه مربوط ويطلق بواريه ليمن راح الشايب ينام بغرفته والبعير متعود على رفقاه بالبر بس هذا كان شرط الشايب على ولده فترة الصيف بالرياض يجيب معه ذلوله الغاليه مايتركوه بالبر وعشان كذا كان يقول رغبة الوالد مانقدر عليه ..جزا والدينا الجنه يقعد الصيف كله متحمل البعير عشان ابوه..

جا الوالد عقب صلاة المغرب وقال لامي تدرين وش ها الصوت؟؟

هذا الله يسلمتس بعير موديل فللي مهوب بري

وقال السالفه للوالده وان كانه بتنقل من البيت دور غيره لان مستحيل اقوله شي وهو بار بابوه ..

وقررنا الاستقرار ببيتنا وتعودنا عليه حتى اذا ما سمعنا صوت اعععععع من بكره نسأل وشبه بعير جدكم ما سمعنا صوته ؟وكل شتا يروح والى جا الصيف نكس وصار بالنسبه لنا شي وجوده مهم

تحياتي

اختكم

..قوافي..