منتدى استراحات زايد - العاشق عصيقيل

مساكم الله بالخير وصبحكم الله بالنور
وشلونكم إنشاء الله بخير
الموضوع ومافيه هو اني فكرت أكتب بداية قصه تكون فكاهيه البدايه فقط وأول واحد يقرا الموضوع يكمل جزء بسيط واللي بعده يكمل جزء بسيط بعد وهكذا إلين يجي واحد وينهيها بس تكون فكاهيه لحد التفطيس من الضحك وهذي بدايتها
كان ياما كان((حشا لو انها سواليف جدتي قبل النوم)) كان فيه واحد إسمه عصيقيل وكان رومـنـسـي لدرجة العربجه وكان يحب بنت عمه عمشه اللي كانت شايفتن نفسها بالحييييييل ورافضتن عصيقيل بسبب صفار سرواله من تحت الثوب ولا بعد يامال الماحي تقول إسمه ماهو بعاجبني ((تكفين ياعمشه عجرم)) وكان الأخ عشقان لدرجة انه ماينام الليل((كان يتسلى بسبيس تووووون)) وكانت عمشه جعلها للخمشه حاطتن عوينتها على ولد شيخ القبيله يعني على بلاطه طمعانه فيه ويوم درى عصيقيل الضعيف وهي تنفضه الحمى لمدة ثلاثين طعش دولار يوم ويوم انه تشاوى وهي تجيه فكره جنونيه هي انه يهج((ينحاش . يفرك . يحط رجله)) إختر الإجابه الصحيحه المهم انه يهج من القبيله ويسوي عمليات تجميل ويرجع للقبيله على انه شيخ((أبو الطمره من راعي غنم لشيخ)) وإنه تعرضوا له قطاع طرق وسرقوا ماله وحلاله وفعلاً نفذ الفكره ويوم رجع للديره وهو يروح لولد عمه اللي هو أخو عمشه
::ياهلا بالضيف
::المهلي مايولي
::من أنت ووش قبيلتك
::معك الشيخ وليد((ياااي)) اللي مايخافون ربهم سرقوا مالي وحلالي
::يالله تحييه الشيخ وليد
ويوم سمعت عمشه الإسم وهي تدقها سلف وطيران على كوفيرة القبيله وتزبرقلها الكشه بالحنا والسدر............................الباقي على اللي بعدي

عصيقيل