|
أشوف أطباع بعض الناس بدت بالحيل تتغير أشوف أطباع بعض الناس بدت بالحيل تتغير وحيد أن الذهب يبقى ولا يصدى مع الأيام عجايب شفت في وقتي حرار ٍ مالها موكر وبوم الغار يامحمد تعلا وفي فضاها حام وشفت الشاه شوف العين بزي الذيب تتنكر تبات الليل في مسرى ولها تحت الأمر خدام خريف الوقت خلانا كمى الأوراق نتبعثر وقوة شملنا تضعف ولابه من رجل مقدام كل ٍ شايف ٍ حاله يقول الوقت يتطور تعلمنا..تثقفنا.. وقمنا من سبات ٍ دام كنا في ظلام الجهل وحنا اليوم نتنور ونتسابق إلى المجهول وننظر للخطى قدام ولا كن به عادات من الماضي من المأثر وكن الوقت ياللي فات مابه عالم ٍ وإمام عروبتنا أصالتنا وعادات ٍ لنا تذكر وتاريخ ٍ لنا معروف فلا يفنا من الأعوام ولا إنبدل طبايعنا..ومهما الوقت يطور على أخلاقنا نبقى مدامه ديننا الإسلام :wrd: الشاعر راشد بالكندي من شعراء الإمارات |
The Old Is Gold أول كان احلى لأنه الناس كانت أكثر رحمة وطيبه ،، أول كان احلى لأنهم على عوايد أهلهم ماشين ، واليوم دخل آلاتكيت والتطور والبرستيج وأطباع الغرب في حياة العرب ، ، الله يستر من اللي ياي صح لسان الشاعر شكرا على طرحج |
صح لسااان الشاااعر ... تسلمين خيتووو ع طرح .. نترقب يديدج.. تحياتي |
مشكورين ع المرور الطيب. . |
صح لساانـــ الشاعر اشكررررررررررررررفننننج ع القصيده الغاااااوية والله يعطيج العافيه ونتظر منج زوود كلمات فى قمة روعة وتقبل مرورى |
| الساعة الآن 03:41 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir