|
هذي قصتي مع محل للجولات ... نصب واحتيال في رمضان ... السلام عليكم ... الله يتقبل صيامكم وقيامكم ... المهم مالكم بالطويله ولا اصلا اعرف للمقدمات : قبل يومين شريت جوال من الاتصلات اللي في حي المرسلات المهم جلست اسعر الجهاز في اكثر من محل واخيرا لقيت سعر يعجبني والسعر 800 ريال طبعا الجهاز جديد انا شريت من صاحب المحل اللي هو مصري الجنسيه شريت منه جهازين نفس النوعيه وبعدها طلعت من المحل ووصلت للبيت وانا كنت مركب الشريحه في محل المصري ويوم وصلت البيت ما لقيت الذاكره حقت الجوال والله وادور وادور في الكرتون مالقيتها المهم كلمت المصري قلتله اني مالقيت الذاكره قالي انت جوالك اسود قلت ايه قال الاسود ما يجي معه ذاكره اصلا قلت ليش قال كذا المهم شديت عليه في الكلام وقلت له خلاص رجع الجوال معد ابيه ثم قال المصري خلاص يا باشا انا بروح اشتري لك ذاكره وركبها قلت خلاص يله جهزها جايك المهم وارجع له في الزحمه ... المهم قلت ان شاء الله خلاص معد لي رجعه لهذا المصري المهم شوي واروح اشحن الجوال الجديد والقى الشاحن ما يشحن واتصل على المصري واقوله قالي المصري بكل برود روح اشتر شاحن جديد قلت له انا توني شاري جوال جديد ثم اروح اشتري شاحن ليش دبرلي انت يا المصري شاحن ولا كسرت راسك قال يا باشا شوف الضمان ما يشمل الاكسسوارات قلت له وانا وش ذنبي اني اتوهق بشاحن خربان المهم قال بتروح تطالب الشركه وما رح يعطونك شي قلت زين يصير خير ... المهم الحين انا الا حظ ان الجوال ما يقعد الا يوم واحد ثم تنتهي بطاريته مع اني ما العب فيه كثير ... بس انا توني مركب برنامج اسمه ( وت ساب ) هل تتوقعون يكون السبب منه ولا لا ؟؟؟ يا ليت اللي عنده خبر يعلمني وترى جهازي اسمه( e52) وتكفون ياللي دخلتو على موضوعي ادعو على هذا النصاب المصري ولا تخلونه يسرق الناس وحنا للحين في رمضان ... الله يجزاكم كل خير ... |
| الساعة الآن 09:10 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir