|
ارررحب يا اغلي الضيوف مرحبا يا سهيل السلام عليكم ورحمة الله وبركاته وعيدكم مبارك قبل الزحمه نجم سهيل اغلي ضيف علي الصقاقير والطواريح× انا شخصياً له معزه غير طبيعيه عندي وارتاح لا قالوا باكر طلوع سهيل ما اطول عليكم اتمني تعجبكم هالمشاركه وتعذروني فيها علي قلة مشاركاتي هالسنه واتمني انها تتم بخيمة الصيد بالصقور ولا تنقل لانها للصقاقير وليست للشعرااء هديه لاخواني اعضاء الخيمه. والاهداء للفيتو وعوق الخريش وابو رداد وذراع الذيب والمعتزل وجميع الاعضاء ---------------------------------- قولوا لبو صالح جديد التماثيل احمد ولد سالم زبون الخلاوي وعبدالسلام وربعكم يا حلاحيل والشيخ ابو رداد ريف الجلاوي وعلم ذراع الذيب ذيب الرجاجيل والمعتزل شهم الرجال الحياوي قولوا ترا باكر يبا يطلع اسهيل ومع طلعته يفرح خفوق الهواوي اللي مولع بالقنص والهدد حيل ماهو ولع وبال ولا شواوي متباشرٍ مابين نقله وتدهيل مرتاح لو هو في ولعهن شقاوي ويفرح به الطاروح لا برد الليل اللي خفوقه ×بالطراحه شفاوي اللي غرامه بين رصد ومحابيل مابين ضلعان وسهول وملاوي يفرح ×بصافي لون ضافي سراويل اما حمر قرناس ولا نداوي لازهمله بعد التعب والبهاذيل ربع حشاه اللي له شهور ذاوي وصلي شكر مابين ركعه وتهليل ويدعي ثنا للي برزقه رهاوي هذي تماثيلي ورد التماثيل لاحمد ولد سالم زبون الخلاوي وعبد السلام وربعكم يا حلاحيل واخوي ابو رداد ريف الجلاوي ومعهم ذراع الذيب ذيب الرجاجيل والمعتزل شهم الرجال الحياوي اخوكم / مطلق الفزران× وعيدكم مبارك مقدماً |
| الساعة الآن 06:09 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir