|
سالفة اخاف اني منفوس السلام عليكم ورحمة الله وبركاته اخواني واخواتي الاعزاء بمناسبة قرب عيد الفطر المبارك حبيت اسرد لكم قصه صارت معي ويا ولد عمي وحنا صغار نسكن حنا وبيت عمي وجدي ببيت واحد ولاجا رمضان صارت عندنا حنه ورنه من الضيوف الله يرحمه ونفس الشي بالعيد عندنا المعايد ويوم العيد جدي يقولي انا وولدعمي انتبهو للباب وكل ما جا احد على طول ادخلوه للمجلس المهم وقفنا نحتري نبي نخلص عشان نروح للدكان نشري حلاو وببسي خبركم البزاران والعيد المهم اقترح ولد عمي انه يروح للدكان ويشري لي وله قبل نخلص الحلاوه الزينه واتفقنا انا عند الباب وهو يروح وراح واحتري واحتري ما جا يوم مليت وانقز للدكان بتطمن على حلاوي وينه واثره طاح بجفرة كبيرة مليانه ما وبغى يموت ولا تعايدنا تنكدنا ويوم نشدته وش طيحك بسطه وانت داري ان هنا به حفره قال كنت راز راسي فوق يعنني مشخص يوم شفت بنت الجيران ونسيت الجفره امر اطيح وشربت لما قلت بس ما وصخ واللي قاهرن زود هي اللي مسكت ايدي وسحبتن من الما وش لون اخطبه لاكبرت راحت الايام وكبرنا وصارت ام عياله وتذكرت السالفه ذي لانه امس طاح بجفره عند بابه قبل السحور وهي اللي طلعتوه مثل من 55سنه مدري الى متى وهي تسحبوه. هو الي قالي اكتب عن اخافني منفوس |
| الساعة الآن 07:13 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir