هايلوكس2011 معدله ومجهزه للبر والنفود للبيع
 

السلام عليكم ورحمة الله وبركاته
اسعد الله اوقاتكم بكل خير
اناعندي هايلوكس 2011 للبيع وهيئة الموتر كالتالي:
1-البدي والمحركات على الشرط
2-العداد:36 الف كيلو
3-الموتر نضيف ولا انجلد بخطوط
4-لوحه مميزه على الموديل 2011
5-الاستبنه جديده مامشت ولا متر مانزلت ابد
6-كفرات الوكاله بحاله جيده جداً مامشى عليها لموتر الا تقريباً 15 الف
6-شنطة العده والعفريته جديده مااستخدمتها
التعديل كالتالي:
1-مساعدات مرسدس صكص بدال مساعدات البلد الاماميه
2-تدبيل مساعدات مرسدس صكص بجانب المساعدات الاماميه
3-مرفوعه بكعكه 2 صانتي
4-مساعدات فكسار خلفيه
5-مرفوعه من ورا بربلات
6-قواعد رديتر حديد
7- مراوح سوبارو وحده مع المكينه تشتغل علاطول والثانيه لها فصال عند الدركسون متى مابغيت تشغلها
8-لمبتين مثبته بالكبوت من جوا اذا فتحت الكبوت تلقا اللمبات بزوايا الكبوت من فوق لها زرين كل لمبه لها زر بجنب البطاريه
9-ماطور هوا ابو جمل ابو فلتر هوا مثبت بالسياره بجنب فلتر الهوا حق المكينه طبعاً الماطور مثبت بداخل شنطه ومعه لي الهوا
10-معزوله من ورا المراتب بعازل وفرشة على لون الديكور عنابيه والدعسات مخيط عليها بلاستيك مقوى لحميتها
11-مسجل كنود سي دي - كاست
12-طربال تنزاني للصندوق جديد ما استخدم الا مره
13- صدام مقصوص ومرشوش وصاجات الي فوق الكفر مقصوصه على حد الصدام المقصوص طبعاً مع صدام الوكاله وصاجات الوكاله
وشغل المساعدات والتدبيل والرفع شغل الصمعاني ماعليه كلام
والموتر مثل ماقلتلكم ماجاه جلد والبدي سليم والمحركات واللوحه مميزه على الموديل 2011 والموتر بدون تعديله يجيب بالمعارض 55 الف
والي له نضر يراسلني على الخاص ولكم فائق ودي واحترامي
ودمتم