منتدى استراحات زايد - اشتاقلك واقول وين غايب ؟

السلام عليكم ورحمه الله وبركاتهـ

يسعد صباحكم / مساكـِم بكل خير . .

أرجو أن ينال على اعجابكم .. مثل ما نال على اعجابي ..

^_^

.
.

اشتاقلك واقول وين غايب ؟
ويرد نبض القلب يقول غايب . .
انشهد اني بمحبتك اعلنت
وعن حبكم لو غبت ماني بتايب . .
انت الوحيد اللي بقلبي تمكنت
ولو تكثر الازوال ما عنك نايب . .

ما يموت الشوق لو قل الوصل . .
وما يهز القلب زلزال الظروف
وانت داري في محبتنا اصل . .
ولو يطول الصمت لا يلحقك خوف
والغلا بالقلب والله متصل . .
ثابت مثل الاصابع بالكفوف

في غيبتك
تثقل علي الدقايق . .
والوقت مع غيرك ماعاد
ينطاق . .
ربطتني مابين عهد
ووثايق . .
وخليتني بس للقصايد
والأوراق . .
واليوم أقولك دون
الخلايق :-

ماعيني لغيرك من
النـاس تشتـاق . . !!

ماعاش مخلوقن يعرفك وينساك . .
بس الزمن زادت علينا حموله
ياصاحبي جعل المخاليق تفداك . .
يفداك كل الكون عرضه وطوله
اضرب بي الهامه وانا كف يمناك . .
اطول منهو عجز غيري يطوله

ياشوق دنيا ماصفت لي على الكيف . .
من يوم غاب اللي معه كنت سالي
محبتي له صافيه مابها زيف . .
حب ومعزه والغلا قلت غالي
اول معي واليوم جاني كما الضيف . .
لا همه اخباري ولا كيف حالي

لا غبت عني دمعة العين تبكيك . .
وان جيت يمي خافق القلب حياك
موج البحور ونسمة الليل تغليك . .
وشلون مايغليك شخص تمناك
مهما تهب الريح والغيم يخفيك . .
لا بد تشرق الشمس والقاك

الناس في بسمتي بالحيل منخدعه . .
ياكم وراها طفيت النار بانفاسي
بعض المواجع لها ماتنفع الفزعه . .
كلما جرعت الحزن رد امتلا كاسي
عودت نفسي اساير هزة الفجعه . .
وان دست جمر الزمن ماينحني راسي

حتى النجوم العاليه تنوح من غاب
من اعتلاها في السما كالسحابه . .
الورد ذبل والمطر دمع سكاب
والصبح يعلن ايابه . .
يرجف بضلعي قلب يدعي للاحباب
يالله تحفظ من جرحنا غيابه . .

ابشتكيلك دامك اعز الاصحاب . .
شكوى جريح يبتسم في ونينه
شكواي قلب بالهوى ماتاب . .
كل مايصدمه وقت رجعه حنينه
مطعون ياخوك كل مافتحت باب . .
القى الغدر طبع العشق من حينه

اكتبني في حياتك عاشق مجنون . .
مامل اشتياقه ماعرف وشلون
يقرا العشق او يكتب غرامه . .
ارسمني صورة الولهان بالوان الطفوله
تجرحه كلمه وتجيبه ابتسامه . .
مغرم فيك لو رفض يبدي غرامه
تفضحه كلمة ومقصده اهتمامه . .

وبـــــــــــــــــــــــــــــــس

والسموحة...