|
سالفة العزوبيه السلام علاكم ورحمة الله وبركاته اليكم هذه السالفه القصيره سالفة العزوبيه وهي من عمتي منيفه للنبهاني فيه اثنين يدرسون في احد المعاهد التكميليه واتفقوا انهم ياخذون لهم بيت ويسكنون سوا وامورهم الماديه مامن امور ماخبيهم فاضيه يمكن الواحد منهم خبره في مخباته قبل اسبوع او اسبوعين مادخل ايده في مخباة وذا دخل ايده في مخباته مايدري وش يواليه هي عقرب والا عنكبوت والابريصي واحيان يلقى فاره هي وعوالها مزبنتهم المخباة من قل الداخل والطالع وقل الحركه المهم اللي معه يصرف على خويه بدون سلف بينهم عشرة طيبه والكهرب ذاك الوقت غالي على الناس كله بس ماعندهم لاتلفزيون ولا مكيف ماغار لمبة بالغرفه 5وات وبالمجلس مثلها والمطبخ ودورة مياه وحده فيها لمبة كل اللمبات لو تجمعها 2وات ويشتكون من صرفية الكهرباء ياويل اللي يطلع من الغرفه مايطفيها تصير مذابح بينهم وهم متاقسمين الشغل بينهم والغدا اللي يجي الاول يطبخ كذلك العشاء المهم صار ذاك اليوم والا العشاء على واحد منهم وهويقوم ويصلح العشاء وخويه مابعد جا تاخر عليه وهذا ذابحه الجوع قال ابتعشاء وخليله شوي بالقدر تعشى الرجال واخذ اللي بالقدر ويوخره على جنب ويجيب قدر ثاني وهو يحطه على الكوله وهو يحط بالقدر هذاك الضب اللي بطنه كنه راويه معبيها وايت وضهره تقول مرتبة دباب خرينق 70 ويغطيه ويروح ينقش سنيناته بالمجلس ويشغل الرادو ويقعد يتسمع اخبار لندن والا اذاعة الكويت المهم دخل خويه وهو جاي مشي من مشوار والجوع يلوي بطنه السلام علاكم وعليكم السلام معليش تاخرت علاك قال لا عادي انا اللي اسف يوم شفتك تاخرت تعشيت ورفعت لك بالقدر شفني حاطه لك على الكوله الرجال من الجوع يابعدك يالمطبخ وهو ثلاثه امتار عنه طبعا ريحة المطبخ دسم القدر اللي فيه العشاء على جنب ويوم شم الريحه مع هالجوع وهو يسحب نفسه ويقول ياريحة ابوي هالريحه وهويجيك ويفتش القدر يوم فتشه والا الضب بالقدر وهو يجيك من طلق يمشي الف من عند باب المجلس ويصارخ باخر صوته وهو يفتح باب الشارع وينطلق على غير يمه وخويه يلاحقه من شارع الا شارع حتى تعب وينتفض من الروعه ويمسكه خويه ويقراء عليه ويرده للبيت ويدخله المجلس ويجيب له العشاء ولاعلمه بالسالفه وهو ياخذ الضب ويطلقه بالشارع هه وشفيك قال شي بالقدر يتحرك قال يابن الحلال يورالك اللي شفت تراي انا حاط لك اللحمه فوق الرز واللي انت شفت اللحمه وهذه اللحمه لاتحرك ولاشي الرجال صاكه راسه من الوجع ولا يركد الاعقب شهر من الروعه عقب مدة علمه صاحبه عن السالفه وخذ ياضحك مع شويه زعل واختم هذه السالفه في بيت قصيد سبق وان سمعته ولا اعرف صاحبه عن العزوبي يقول الشاعر وحالي اللي مثل حال العزوبي ,,,,,,,,,, عشاه حب ولالقا من يسويه ارجوا ان تكون اعجبتكم بس لاتجاملون كانها ماهيب زوينه علموني واعتذر منكم |
| الساعة الآن 12:27 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir