الناس بالدنيا (معنّى) و(مرتـاح)
لو أن هذا الوقـت مافيـه راحـه
كم واحدٍ يصبر وهو كلـه جـراح
وكم واحدٍ يجزع...قليله جراحـه
وكم واحدٍ مطعون ساكت ولا صاح
رغم ان في جوفه حروب وصياحه
وكم واحدٍ يخفي ونينـه ولابـاح
حدّتْـه صكّـات الليالـي وباحـه
ليت الحنين اللي ملا القلب ينزاح
ونقيم عيـد بروحتـه وانزياحـه
لاهنـت ياقلـبٍ تعثّـر ولاطـاح
وان طاح عدّل وقفته من مطاحـه
ياقلبي الوافي يمعشـوق الارواح
كم قلب في قلبـك يـدوّر مراحـه
ياقلبي اللي بين الاقـدار سبّـاح
عارفّك ماهر في فنـون السباحـه
لاتنظر الغافي ولاتنظـر الصـاح
كب الزمان وغافيٍ بـه وصاحـه
والحظ كانه صار جايـر وسفّـاح
لاتنكسر هـذي مجـرّد سفاحـه
صح ان فيها موت واحزان ورماح
لكنّ مثلـك يتّقـي فـي رماحـه
مادامها اللي خلّفت غبن وجـراح
اذاً يقوم الرمـح يمنـع جراحـه
وان كان ودك تقضي العمر مرتاح
في طاعة الرحمن نعمـه وراحـه


للشاعر سعد العلياني . .