منتدى استراحات زايد - للبيع سيارة على الشرط م 1985 ..

بسم الله الرحمن الرحيم .
السلام عليكم ورحمة الله وبركاته
كيف حالكم شباب .. ؟
ببداية الموضوه حبيت أذكركم بِ
أن اليوم تبدأ صلاة القيام لأول يوم ليالي العشر ، والتمسوآ ليلة القدر من هذه الليلة .
:blushing:
للبيع سيارة على الشرط م 1985 ..
عنوآن الموضوع مأخوذ من قصصه حصلت لي تقريباً وأكيد حصلت لك ولغيرك
ولكل رواد مواقع البيع والشراء على الأنترنت .
تدخل على قسم بيع وشراء السيارات .. قسم جميل مرتب
لكل نوع من السيارات قسسم ..
ولكل موضوع عنوان مميز تحس أن اللي بالداخل سيارة من ذذهب ..
تدخل على الموضوع بنية تشتري أو تبيع أو على الأقل تعرف أسعار السيارات ..
" للبيع سيارة على الشرط م1985 ومخزنه .. "
محتوى الموضوع ..
سيارة موديل 85 = أي لها تقريبا 26 سنه . يعني لو طلعها صاحبها من الوكالة مات .
العداد = 700 الف والعداد مفصول ...
المهم
1 - السيارة نظيفة بحاجة الى بعض الاصلاحات ..
البوية قديمة - استمارة مطوفة 5 سنوات - كفرات نص عمر - المكيف خربان
- الماكينة تحتاج توظيب - القير على كلام المهندس تصليحه يكلف 500 ريال
الأ السيارة اصلا نظيفة نظيفة نظيفة ماتحتاج شئ
والله أنها مسيومة من جاري ب 30 الآف ريال .. وعلى السوم وتذكروآ قول الله
" تذكر قول الله تعالى: ( ولا تَبْخَسُوا النَّاسَ أَشْيَاءهُمْ )
تذكر قول الله تعالى: ( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ ) "
--
وبعدها يحط لك كم صورة للسيارة :blushing: تشوفها تقول والله لو أموت ولا أنقطع بس السبيل ماركبها
الحمدلله على كل شئ لكن حاولوآ تخيلوا المنظر ..

--
وبعدها يحكي لك قصه حياة " الزعيم سيارة "
والله يا شباب هالكلام شفته بأحدى الاعلانات

سيارة أبوي طلعها من الوكالة من زمان
اخوي حامد اخذها جلست معه 8 سنوات . وبعدها اخوي تركها لاخوي محمد
عاد محمد جلست معه 5 سنوات خربت منه وصلحوها وبعدها ظلت معي انا
سنتين وبعدها اخذها اخوي الاصغر سنه قام فحط عليها وخربها ..
وبعدها ابوي حلف اننا نبيع السيارة صلحناها وبعناها !!!!!

يعني أحس أنهم كانوآ يعذون السيارة صراحة 16 سنه معاناة مع هالسيارة .. المهم

--
الردود كالآتي ..

الرد الأول : أششهد أنها سيارة قوية وتستاهل والله . < أيش تستاهل ؟؟! الله أعلم .
الثاني : أسوم 15 الف ..
صرآحة اللي أعرفه اللي يزود يزود بِ 500 أو 1000 ريال .. أما 5000 ريال مرة وحدة
كأنه فاتح صرافة او بنك فالبيت .. والغريب والعجيب تبحث عن اعلانات هالعضو او ردوده تلاقيها

# للبيع مخدة مستخدمه 3 مرات ب 20 ريال . # للبيع ماوس لابتوب استخدام نسائي !!! # مطلوب كمبيوتر أي نووع بس مايزيد عن 300 ريال تكفون بليز بليز .
..

الرد الثالث : أسوم 20 الف والفلوس جاهزة بجيبي واسف ان بخست السيارة ..
الرد الرابع : صاحب الأعلان { ياخوان السيارة مثل ماذكرت نظيفة لا تبخسون السلعه رجاءاَ }
الرد الخامس : وش تحسون فيه أنتم اللي تقولون ب 20 الف ؟ < طبعاًَ أصحاب الردود هذه .. يذكروني بزنيفر اللي بطاش ماطاش ويذكرني بشخصية محامي غبي . مادري ليه صراحة .. لكن المهم ألاحظ برضوآ أنه رد بعد صاحب الأعلان ب دقيقة أو أقل .. ألله أعلم لييه .. !
الرد السادس : أسوم 40 الف والفلوس هاه طلعت من جيبي < ماشاء الله لآ تطلعها تكفى . .
الرد السابع : أخوي بعت هالسيارة مثلها ب 4 الاف ريال . { رجال جالس يدور على سيارة }
اللي بعده20 رد في نفس الساعه سب وأكل في هالرجال ومزايدة على السيارة ومنهم 10 رد
من صاحب الأعلان " وصلني رسالة ع الخاص من صامل يقول ب 60 الف "
..
مادري اللي يرسل له رسالة على الخاص ششبح مثلاً ؟ ولا وآحد مستحي يدخل الموضوع .. !!
..

المهم بأختصار شديد 99.99 من المواقع أصحاب الأعلانات نصابين وكذآبين
تلآقيه يكتب لك القران الكريم كله بالردود وحرام تبخسون وحرام وحرام
وهو اصلا كذاب وغشاش .

# كذاب لآن بالموضوع يققول السيارة ب $ . ومسيوم ب $ وهي أصلا ماتسوى شئ من اللي يقوله .
# غشاش سججل بأكثر من عضوية يزود على نفسسه والمشكلة يفككر نفسسسه الواد خطير
ماحد يعرف عنه شئ ، وهو أصلاً غلطان .

وطبعاً كالعادة مصير الموضوع يوصل ل مليار ريال في السيارة ويغلق
ويفتح من جديد ..
طيب ليه يغلق ؟ كان باعها ب مليار ريال مثل ماوصل السوم
. ^^ هل بيبيع لنفسه السيارة ؟
لآن كل الردود صاحبها هو صاحب الأعلان .. والردود الأصلية = 4 ردود
3 حذف ردهم مع الطرد .. وواحد ترك رده : " الله يوفقك بالبيعه "

للأسف ما عندي وقت أنسق الموضوع من جديد تعبت من الكتابة هههه
اي خطأ اعذروني
بانتظار أراءكم في الموضوع