منتدى استراحات زايد - للبيع فتك 2002 فل كامل قير عادي_

يااخوان السيارة هي من نوع نيسان سوبر سفاري فتك مديل 2002 فل كامل قير عايدي
ماشي 214000 كيلو( ركز على هالنقطه)
الموتر لونه عشبي مع بيج

ورقم لوحته
ب س ن 2075

وهذا رقم جوال راعي السيارة
0554882488

عرض اليوم الخميس الموافق 18 رمضان 1432هـ ، اللي هو امس وكنت ناوي اشتريه ولقيته يدور بالساحه مع واحد والله العالم (مطيري)

على العموم وقفته وقلت مسيوم قال نعم ب 65 الف فرقت السومه وحده علي ب 67 الف قلت تم بس بعد الفحص واذا طلع شيء الفحص على البائع قال تم والرجال يقول الموتر مافيه شيء ولو تبيه بدون فحص شغل وامش قلت بفحصه
قال افا عليك الموتر مافيه شيء واذا فيه شيء الفحص علي قلت بس هذا الموتر اللقطه وقلت الوعد النسيم بافحصه هناك عند البريدي قال اوكي وكم الفحص قلت 400 ريال قال خلاص ما عندي مشكلة
ولكن بعد الفحص تبين الاتي

1-المكينة مفكوكه وجايته حرارة/ ومبين من تحت فيه الغراء
2- تصفيه مكينه
3- تغير الرديتر + الكشف على راس المكينه
4- بلف حرارة
5- اصلاح ركب امامية
6- تغير كراسي مكينه
7- صرة زين القير + الكشف على السنه
8- صوف دبل داخلي
9- ليات بخار قير
10كراسي شكمان
11- اصلاح تنده فوق
12- زجاج امامي
13- الايرباق لا يعمل + مفصوله لمبة الارباق
14-نحاس القير نمرة او الرقم 4

قال ماشاء الله هذا اللي والله شغل وامش هههههه

رجعت للرجال قلت السيارة معطوبه قالي البريدي ما يعرف شيء ومدري كيف والمهم قال تبي الموتر ولالا

قلت ابي حق الفحص قالي مالك شيء قلت وكلامك قال انا شريت الموتر مافحصه قلت اتكلم عني انا قال بنقص عنك 2000 ريال
قلت والله لو تنقص 20 الف ما تغطي تكاليف اصلاحي للسيارة فالرجال عصب ومشى
وشغله كذا فالرجاء الانتباه لدرجة انه يقول الموتر سليم حتى بعد فحصي للسيارة ..

وشرايكم يا اخوان.

وانا ما اقول الا الله لا يحلله ولا يبيحه واحذركم يا اخوان من التعامل معاه وانت افخص وشوف تأكيد كلامي

والله ولي التوفيق