مايسوه الزعل
 

علامك ياحبيبي أشبيك زعـــلان
وعساه الزعـــــل مـكتول أبسمتك
أحس أقوى رجل موجود أنه الان
بــــــس ذليــت من نزلت دمـــعتك
أي شي لايهمك وانه موجـــــود
واني بدوري اريـد أسمع ضحكتك
أنته الدنيا كلها وبيك كل الناس
أمـــام واحــنه زوار بحضــــــرتك
اليوم مرادي اريده ولازم الشباچ
مخـــبل چلبـت واشلــــون أهـــــدك
اذا رايد الدنيه الدنيا كلــها وياك
واذا مــــره انه اغـــثك يعني أحبك
واذا رايد عسل لا تتعب النحلات
مصنــــع عســل هـــذا البين شفتك
أنه النار بيه وانته نسمـــــــات
يا قـــالب ثلــــج مـــوع اعـله بختك
مو ذاك العرفتك زارع الطـــيب
جــــــن تگــــــول واحـد ما عرفتــك
أذا همك جبل تـلگاني حمــــال
ريشه وداعتـــك مو جـــبل شلــتـك
يا مزنه وتخجل كل سموم الصيف
لغــــز كلك لغــــــز جيب اليـحلـــــك
أشگد سئلوني عنك من وگفت وياي
صحيــح اتفاخـرت وما بــعت ســرك
انته يجوز جنه واحتمال النار
وباي أحتمال اتمنــــى أطبلــــــــك
تعال الدنيه وكحه وتقبل التقسيم
وذا احنه انقسمنه ابيــش اجمعـــك
اجمعك بيش وانه البيك حيران
بشعرك لو بعــينك لو بخصــــــــرك
عليه اتلملمت وانه أبسط انسان
داخل عد علي بــس لا احســـــــدك
يا أخر محطه البيهه شفت أفراح
يا صمام گلبي الساكن بـــدمــــــــك
سكران بمحبتك ما شربت الكاس
من نضرات عينك أدمنت عشگـــــك
هي مو سوالف والحچي تصفيط
واقع حال هذا وباقيـــه بذمتـــــــك
يتيم انه ومحمد وصه بلايتــــام
أذا سالت دمعتي أشلون خاتمـــتـك

صح لساانـــج

وما شاء الله ع الابدااع الغااوي

ان شاء الله الى الامام دوووووم

اشكررررررررررررررفننننج ع القصيده الغاااااوي وصح السانج الشااعر

والله يعطيج العافيه ونتظر منج زوود

كلمات فى قمة روعة

وتقبل مرورى

تسلم اخوي ع المرور الطيب والله يعطيك العااافية
\