|
قصة مضحكه هههه..أمنتي أن أرسم البسمه في وجيه البشر .. بسم الله الرحمن الرحيم الحمد لله والصلاة على أشرف الأنبياء والمرسلين سيدنا محمد صلى الله عليه وسلم ... الله يقبل من ومنكم صيامكم وقيامكم وكل عام وأنتم بخير وأسفين على النقطااع والتأخير أما بعد نخش بالموضوع دغري .. فيه رجل أسمه أحمد وهو أمام وخطيب في أحد القرى تبعد عن البلد حول 90كيلوو ... له صديق دايم يقنص معاه وهو خويه أسمه خالد ا لرووح وهو رقله شوي ...ومرح وفيه عجله بنسبة 80%وأذا تكلم مايسكت وأذا رااح مارجع ألى بعد ساعه وأذا جلس ماقام خخخخ... الوكاد أخونى أحمد عنده زواج بعيد ويبي يأخذ الخميس ويجي الجمعه العصر وهو بديره ... ولازم أحد يخطب مكانه ..وخصوص أن الجامع تاع لأكثر من قرييه .. راح لخويه خالد ..وقال خالد أنا أبي أسافر ولافيه غيرك تكفى لاتخليني ...أبيك تخطب وتصلي بهم ..رفض خالد ..وبعد أسرار من أحمد ...قال خلاص أبي أجهزها لك يوم ألثلاثاء ..وتراجعها يومين ويوم الجمعه ..تقوم بالواجد والله ما أنسى معروفك طوووول عمري ... قال خالد خلاص عطني البشت وأزهل وضعك ..والله لاأصليبهم صلاتن ماهي صلاتك ...وقرايتن ماهي قرايتك ...قال أحمد يالله شد حيلك س لاتجيب العيد ..وأنا قصرت لك الخطبة ...من شان ماتكثر برببرتك لأني أخاربك تزووود من عندك .... راح أحمد في طرقته ...وقعد خالد يحفض الخطبه ..لين جاء يوم الجمعه ... يقول خالد ..والله أني مانمت أحاتي يوم الجمعه كل دقيقه أصحي متى يجي صلاة الجمعه أصبح صباااح الجمعه ..وخالد يتجهززز ..ويأخذ برووفات بالبيت ..كأنه يخطب على الناس ..ويقول خالد والله مامرني كثر مامرني مثل ذاك الصبااااح الساعه عيت تمشي ..وأنا انتضر متى بس يجي الوقت ..ويقول وأحرك من البلد ..وقول يوم أنتصفت بالطريق وأنسى ورقة الخطبه في البيت يقول وأديووور وطيرااان للبيت وأخذها ..وأرجع أمشي طبلوووني ..ويقول يوم أقبلت على المسجد وأشووووف السيارات والعالم ويقوول ويجيني بلا في بطني ((شواي ))ترووح فوق وترجع تروح فوق وترجع يقول لو أكح طاحت كبدي من الراعه ...خخخخخ يقول وجسمي يبرد وعضامي تبرد ويصب عرق ...؛؛يقوول وأشد من عزمي وألبق الهايلوكس عند باب الأمام ....يقول يوم أقبلت على الباب ..ويجيني بلا ...ويقول أفتح الباب ...وعينكم ماتشوف الي شفته خخخخخخخ.. الناس ملي المسجد ((يقول خالد أنا ماعمي قابت ناس هلكثر ولا وقفت عندهم ..يوم منت صغير شاركت بالأذاعة المدرسه وجبت العيد وبعدها كرهتها ))يقوول وأفتح الباب ...وأشوووف أناس ويقول وأنا أسكر الباب بسرعه أنا تشوف يقوولون لاوالله مطوعنا ماهو صاحي اليوم...خخخ وأفتح الباب من جديد ..وأدخل وعلى طوووووول أتمسك بسلم الدرج الي يودي للمنبر يقول ركبي قامت تضرب في بعض ماقدرت أمشي ورجليني جايلها صفقه ....خخخخ ويقول أذا ناضت في الناس جاني بلا ..وأركب السلم وأتاح شوي ..ينتضروني أطلع تأخرت عليهم ..(((على فكره مساجد القرى المنابر فاتحه أكثر من النصف ))وأناس أسمع أصواتها صووت همس دريت أني اليووم ماني بطيب ..وأسحب رجيليني لين جيت الكرسي وأتميك عليه وأرد السلام عليكم ورحمة الله وبركاته ....يقول ماقلت غير ((السلام وبركاته بس ويالله طلعت ))ويقوول الأمؤذن يرفع الأذان وأرتاااح ...وأذا ناضرت في الناس كاني بلا وبرودت عضااام وعرقي ماوقف من يوم دخلت ...خخخخخخ خلص الأمؤذن من الأذان ....يقووول يوم كنت جالس على الكرسي أحس أني أخف من أذا وقفت ... وأقف وأبي أخطب ..وأبداء بسطر الأول من بدايته وهذا عهدي نفسي ... أغمى على خالد وطاح من فوق المنبر على الأمؤذن والصف الأول ..خررررررر بطططططط الى والله من صيد أمس ...ولا صحيت غير بالمستشفى ...ونقاهه يومين ...تحت الملاحضه ..وجااء أحمد من السفررر ودراء بسلالفه ومات من الضحك ... وطلع خالد من المستشفى بكدمات متوسطه مع فقداان الخشم والسنون الأماميات وفلقه بالراس خخخخخخخ...وخالد يقول الطريق كله ما أمر معه ولاعاد أمر الديره كلها ... وعسى أني قدمت شيء يليق بكم والسلام ورحمت الله وبركاته .... جميع الحقوق محفوضه ملف قصص مضحكه ونكبات عالميه رقم 3خانه 3رف4بتاريخ 2011 |
| الساعة الآن 05:02 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir