![]() |
تعبت من تعديل بعض العلاقات تعبت من تعديل بعض العلاقات اللي تبي كل أربع أيام تعديل وتعبت أصامد طيش الأيام بسكات وأنا مانا أتعب في وجيه الرياجيل وتعبت من حبٍ على غير مشهات وانا أعتزلت الحب وملاوع الويل أثر المحبه فالزمن ذا دعايات وحنا بجيل وصادق الود في جيل اللي يقول إن الوفا حي ما مات كنه اللي شاهد فالضحى نجمة سهيل أما تأثر بالقصص والروايات وإلا مع اللي صدقوا كذبة ابريل ياما سهرنا والسهر بعض الأوقات ما من وراه إلا الشقى والغرابيل وياما كتبنا يا قصيدي والأبيات في غير أهلها ما ترد المحاصيل بنات فكري خيل مربط جزيلات ماهوب مربط إفرق السوم وتشيل نعسفها عسف المهار الأصيلات إيلين ملينا من عسافة الخيل ياليل جفني من عنا الوقت مابات كن في ضلوعي دق نجر ومعاميل ليت الغلا للي توده من الذات يمحاه صبري والليال المقابيل لو البكا بيفيدني...رد الأموات ولو الجفا بيضر..ما عاد بي حيل تدري البكا من سابع المستحيلات عييت عيوني ترخص الدمع ويسيل سلم على اللي تحسبنها إلااا جات بتعين ضلوعٍ جفتها مداهيل يارخصها من عقب ذا الليل بالذات ويا غليها غلياه قدام ذا الليل رح قل لها لبلادها (ست) رحلات تختار وتعجل ومن دون تأجيل تقفي ولا تكثر علي التلفات أهل مصر ما تبكي الا على النيل ماعاد عندي غير قطع العلاقات اللي تبي كل أاربع أيام تعديل بقلم المبدع ، ، ، ، حمدان المري |
وتعبت من حبٍ على غير مشهات وانا أعتزلت الحب وملاوع الويل السلآمَ عليكمُ ورحمة الله وبركآته طرحَ طيبُ ، صحَ لسآنه الشآعرً ، تسلمَ ايدينجَ يعطيجَ ربيُ ألفَ عآفيُة ، بانتظآر اليديد |
مشكورين ع المرور الطيب .. |
ماعاد عندي غير قطع العلاقات اللي تبي كل أاربع أيام تعديل ********* صح لسانك يالمري , قصيدة تضرب على الوتر الحساس من واقع الناس في علاقاتهم كل الشكر لج في النقل المميز وعلى تواصلج الياسي |
مشكورين ع المرور الطيب |
| الساعة الآن 07:20 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir