منتدى استراحات زايد - الرجل والفشل الكلوي.....

السلام عليكم ورحمت الله وبركاته ....
مبارك عليكم الشهر والله يعيده علينا اعواماً عديده بخير وبصحه ان شاء الله :good:
والله يتقبل من الجميع الصيام والقيام ...
اليوم عندي سالفه ان شاء الله تنال على استحسانكم ....
نبداء هذي قصه حصلت لرجل يبلغ من العمر ما يقارب 48 عاما :)
قدر الله على هذا واصابه فشل كلوي وتبلغ الخبر بنفس صابره مؤمنة بالله عزوجل :(
بعد ان اخبره الطبيبب انه مصاب بفشل كلوي خافو عياله عليه وقالو له نبي نتبرع لك بكليه
لكن رفض والدهم وقال لا تفتحون الموضوع مره ثانيه مستحيل احد منكم يتبرع لي
وعياله خايفين عليه مره اسالو يمين يسار مالقو احد يتبرع قالو لازم نشوف لنا حل
اقترح احد اصدقاء الابناء بان يذهبون لدوله مصر ويشترون الكليه مقابل المال
الحمد لله حالهم الماديه ممتازه
راحو لوالدهم وقالوله يعالجونه بمصر ولكنه رفض ومع اصرار عياله وافق
جهزو انفسهم وخلصو الحجوزات وراحو لمصر .
راحو لم الاطباء وقالو ضروري يتبرع لك احد اخذو التحاليل منه وسوو له فحوصات .
بعد كم يوم قالو له الاطباء فيه شخص بيتبرع لك بكليته بشرط تدفع له 70الف جنيه مصري
الابناء وافقو ولاب معهم موافق
دفعو الابناء المبلغ للشخص 70الف جنيه مصري بعدها بيوم قال الاب انا بشوف الشخص اللي تبرع لي قالو عياله ما له داعي تشوفه خلاص الحمد لله لقينا اللي تبرع لك
قال الاب لازم اشوفه ودي اشكره على اللي سواه معي ولا موب مسوي العملية
بعد الحاح شديد من الاب وافقو الابناء اخذواوهم للشخص اللي بيتبرع له قبل ما يسوي العملية .
دخل الغرفه ويتفاجا ان اللي بيتبرع له بنت عمره 17 سنه قالو له الابناء هذي اللي بتبرع لك بكليه
انصدم الاب بالموقف وعجز لسانه عن الكلام وقال لم اتخيل ان بنت في عمر الزهور
قام يسلئله ليش تبرعتي لي مين اجبرك على هذا وليش؟
قالت الذي اجبرن على بيع كليتي لك أنه الفقر اي نعم الفقر وان اعول اخوي واختي الصغرى بعد وفاة امي وابي .
قال الاب لعياله مشينا لسعوديه والله ماسوي العملية
انصدم الابناء قالو ليش قال ما اسويها لو يصير اللي يصير حالولو الابناء بوالدهم لكن رفض وبشده
طيب يابوي والمبلغ اللي دفعناه قال والله ماخذه ولا ابغاه حلال عليها ويحرم علي حرمه البنت على ابوها
وحجزو يبون يرجعون ورجعو لم السعوديه
بعد شهرين سوا الاب فحوصات في مستشفى خاص وقالوله مافيك شي لافشل كلوي ولا هم يحزنون ماقتنع بنتيجه الفحوصات راح مستشفى ثاني وقالوله نفس الكلام صحتك عسل
الاب استغرب من الموضوع وراح للمستشفى اكتشف المرض فيه اول شي وقالو له نفس الكلام ما فيك شي
سوى فحوصات خارج السعودية وقالو ما فيك شي انت سليم.
وسبحان الله الموضوع كله موب خطا طبي فعلا الرجل كان مصاب لمن شفاه الله من مرضه
لكن هذا الشخص فرج كربه عن مسلم فرج عنالبن ام 17 سنه ففرجها الله عليه وعافاه بسببها بعد الله قدره الله فوق كل شي
وهذا مصداق لقول الرسول الكريم عليه افضل الصلاه والتسليم((داو مرضاكم بالصدقه)).
اللهم اشفي مرض المسلمين وعافهم وانصرهم على اعدائك اعداء الدين
والسلام عليكم ورحمت الله وبركاته
وتقبل الله من الجميع الصيام والقيام
تقبل تحياتي...;)
سليمان بن ربيعان الربيعان