السلام عليكم ورحمة الله وبركاته
شلون الاخوان , اتمنى تكونوا بخير وعافيه ,


اعاني من مشكلة الايام هذه , بعد العيد راح اشتري لاب توب , لكن مادري اي نوع ؟؟؟
شريت لاب توب قبل خمس سنين ومن ذاك الوقت وانا نسيت عالم التقنية والتطورات ,
خلاص استكفيت بالاب توب ,:)

الحين ابشتري لاب توب جديد , لكن ماعاد عندي اي خبر بالاجهزة , في اشياء اتجددت واشياء تطورت , ومعالجات جديده واضافات جديده............ اشعر اني في دوامه ؟؟؟

المشكلة اني لازم اخذه بعد العيد مباشرة ,يعني مافي وقت اقعد افكر :thinking:

والمشكلة الاكبر من ذلك اني لازم اخذه من محل او محلين بالكثير ,

السالفه ان الوالد مستعجل يعني يريد ينهي الامور بسرعة يعني مايحب نقعد رايحين من محل لمحل يكره الانتظار:anger2: وطول التفكير:anger1: يعني خذ وخلاص لا تقعد تفكر او تبي تستشير او تبي تشوف السوق ممنوع:anger2:,


قلت خلوني اشوف النت واعرف ايش يوجد من اجهزه وايش مواصفاتها وبقرر وبكذا اكون اختصرت على روحي وعلى والدي وقت كثير , :good:

لقيت جهاز عجبني كثير خاصة لونه الابيض هو من سوني ,
اول ماقريت مواصفاته مافهمت شيء ,
اسمه VPCCB15FG/W


اتمنى تشوفون الرابط فيه اسم الجهاز ومواصفاته وصوره
http://www.sony-mea.com/product/vpcc...ite=hp_ar_ME_i

انا طالب طب , واحتاج الجهاز خاصة في الكلية ,
الجهاز الاول كان كبير نوعاً ما , وكنت اعاني من ثقله خاصة يوم اخذه معاي لأماكن عديدة او الكليه اضل رايح جاي وهو على كتفي , خلعها الله يسامحه :anger1:

فأحتاج جهاز خفيف نحيف شاشته مو كبيره اتنقل فيه بسهوله مايتعبني ,:king:

شوفولي الجهاز هذا ويش رايكم فيه حجمه ومواضفاته مناسبه او لاء ,يعافيكم الله

ومن الاشياء المهمة عندي البطاريه,
في المواصفات عن البطاريه جايب بطارية مصباحية وبطارية اختيارية , وحده تدوم ثلاث ساعات والثانية خمس ساعات , لكن بصراحة مافهمت يعني هل الجهاز عنده بطاريتين او عند الشراء تختار البطاريه اللي تبيها او كيف , ارجوا فزعتكم ,,:n_frown:


بحثت في النت وواحد مشتري الجهاز وواضع معلومات عنه , في ردود قالت في اجهزة افضل منه بالسعر والمواصفات , معروف عن شركة سوني ارتفاع اسعارها, طبعاً تحطمت ,

انا عجبني الشكل كثير , وياترى كم الفرق بين جهاز سوني وبين جهاز اقل منه بالسعر ؟,

ارجوكم نوروني اريد احزم امري من الحين بجهاز ممتاز بدل ان اختار جهاز بشكل سريع وعشوائي


منتظر ردودكم وشكراَ