منتدى استراحات زايد - الفزعة الله يعافيكم الهايلكس جنني!!

السلام عليكم
-
-
-
-
كيف حالكم
أنا معي مشكلتي هي
أن معي هايلكس 2001 غمارتين الموتر نظيف يعتبر صحيح فيه كم قشعه هههه لكنه خفايف الحمدلله على كل حال
وماشي 220 ألف
بس المشكلة كأنه ماشي 600الف
هههه

المهم أنا عندي عدة مشاكل وأنتم ان شاءالله راح تساعدوني في حلها ؟ وهذا العشم فيكم ياأعضاء امكشات
سأعرض المشاكل على شكل نقاط لكي تكون منظمه أكثر يعني الي يعرف حل المشكلة
الفلانية يقرأ النقطة الاولى وهكذا ..

المشكلة الاولى وهي

.عندي قرقعة بالبيبان ترفع الضغط !! يعني مثلا كنت ماشي في حارة شارع عادي تعرفون الحفر الصغيرة الي تجي من الزفلته مو الكبيره لا الصغيرة هذي اذا مشيت فوقها تقرقع البيبان وتعرفون حقات التصريف السيول الي تكون بوسط الشوارع برضو هذا اذا مشيت فوقها يصير حفله بالبيبان (زي كذا تكققط تطقطكطك) وش رايكم بالتمثيل بس!!

يعني أنا عندنا كم موتر لكن انا زايد حبتين في القرقعه
.المشكلة الثانية هي الي صعب توضيحها شوي اممم كيف أقولكم
صوت السيارة مرتفع زيادة عن اللزوم!! كيف ؟؟ يعني أحس يعني اذا كان الار بي ام على 2ونص كأنه على 4
يعني اذا مشيت بسرعه مثلا أحس الموتر يتحمس بزيادة يعني فيه ازعاج (ملاحظه عزم الموتر الحمدلله تمام)
لكن أنا أقصد الصوت يعني صوت المكينة كأنها تحت الوطاية هههههههه
وأحس بالصوت في هالمكان

واضافة على هالمشكلة (اذا فتحت باب السواق ونزلت تحت يعني عند الاقزوز ) أسمع صوت

(والموتر يشتغل طبعا الصوت زي كذا ((تر ترت تر تر ))
وعموما احس ان صوت الموتر عالي شوي بدون المروحة طبع أقصد وهو واقف الصوت الي يطلع منه قوي شوي ههههه (يمكن اني اوس وس بهالشي لكن الكلام الي بالاعلى متأكد منه)

.المشكلة الثالثه وهي الهواء ؟ الموتر ماينسم هوا ؟ الايدخل الهوا!!! هههههههه والله صمخ

اذاني

مع أني مزين وزنية للبيبان كلها لكن مافيه فايده
المهم بحط لكم هالصورتين لأن ناس قالولي في هالمشكلة غير الجلد الي ع الباب لأنها عجزت

رايحه فيها هههه

فما أدري وين أحصلها لأنها مهيب في الوكاله

واي وحدة الي بصوره الاولى والا صوره الثانية

http://www.mekshat.com/pix/upload05/...8-12 23.16.jpg
http://www.mekshat.com/pix/upload05/...8-12 23.18.jpg

　
المشكلة الرابعه وهي أحس الموتر اذا رقيت مطب أو مريت على حفرة يرج يعني أحس الكفرات
الي قدام ترج بزيادة
مع العلم اني غيرت كراسي المكينة كلها لكن نفس الشي !!

ومساعدات جديدة مالي شهرين مركبها مع الكراسي المكينه

وأنا راعي ديره مالي في البر وغثااه أبدا

وختاما أرجوا منكم مساعدتي في هذه المشاكل

لأن ودي اضبط في الموتر يعني ويصير هادي ويمشيني لأن أسعار المواتر أعوذ بالله الله يكفينا
شر !!!!!

واللهم اطرح بركتك في هذا الشهر المبارك (الشهر انتصف بسرعه الله يعين)

وشكرا لكم مقدما