|
قصة الصقر اللي شفته بسم الله الرحمن الرحيم والصلاة والسلام على أشرف خلق الله نبينا محمد وعلى آله وصحبه وسلم أم بعد أخواني أعضاء منتدى مكشات ابي اقلكم قصتي مع هالصقر ولكن ما ابي اطول عليكم الكلام قبل كل شي ابي اقلكم انا وين موقعي بس لا تتحمسون زياده اوكيه اول شي انا من السعوديه لان انا بعرف ان موقع مكشات في جميع انحاء العالم لكن حبيت اعرفكم فين انا موقعي تعرفون يــــنبع هذه محافظة تبع منطقة المدينه المنوره اوكيه ويمكن البعض ما يعرفها طيب تعرفون املج طيب تبعد املج نحن قريبين منها ما اعرف المسافه اللتي بين يبنبع واملج لكن نحن قربين من املج بساعتين بالسياره تقريبا حتى تصل تبعد ينبع عن المدينة 250 ك وتبعد أملج عن ينبع 150ك اقول اخلص علينا تراك مسختها المهم ذاك اليوم في رمضان 8/09/1432 هـ ايوه حنا نسكن في الشرم قريبين من البحر بحوالي 10 كم المهم ونا جاي بالسياره كذا على الغروب ولسى الليل ما اظلم تعرفون انا كنت مستعجل ابي الحق الفطور والا اشوف ذاك الطير الي نازل يبي يوقع على ذاك العمود عمود الاناره حق الخط مو خط العام اللي في زحمه لا في نفس المخطط يعني تقول الخط فاضي حركة السيارات قليله المهم هديت والا الطير موقع وانا كنت قريب منه صراحه شد انتباهي لما شفته وتحمست قلت هذا رزقك ياولد واناظر والا هو صقر نزلت على طول من السياره واقتربت منه وجيت تحت وانا اناظر فيه وهو يانظرفي قلت ياولد هذا شكله تعبان جاي من مسافه والظاهر انه يبي يبات في المكان هذا المهم واخذت الجوال واصور وهو في محله ما تحرك انا استغربت المهم رحت للبيت لان البيت قريب من المكان المهم وانا بالي مشغول والله كيف اصيده هههههه ياربي كيف اسوي لا يكون طار الصقر المهم انا قاعد ومشغول افكر فيه قلت ياولد روح شوفه هذا بعد صلاة العشاء المهم رحت وإلا الصقر في محله فرحت قلت ياربي انا كيف اصيده الوقت معاك ذحين يمديك تشوفلك صرفه وادور حل كيف اصيد وانا بحكم ان ماعندي خبره بالصيد بتاتا البته واناظر فيه والا العمود حق الاناره طويل ما يمداني اوصله كيف وش الحل المشكله ماعندي ادوات ولا اشياء من ادوات الصيد اصلا انا ماعرف بالاشياء هذي لكن قلت الصقر هذا لازم اصيده ب أي طريقه كانت ياولد جيبله حمامه اخوي عنده حمام من الحمام الغالي جيب لك وحده وجرب طبعا اب احط الشبكه حقت الحمام لان عندنا وحده البسها الحمامه واطلقها قلت والله غير يوريك كيف اخوي قلت الشغله هي مغامره جرب لعل وعسى قلت ياولد ذحين ليل كيف تبيه يصيد المهم بطلت من هالفكره رجعت البيت ونا بالي صرحه مشغول وما عندي احد من العيال المهم الساعه وحده باليل والا العيال جو وهم اخوي واحد من الجماعه قلت لهم انا شفت صقر قالو وين قلت هنا يم قلت هنا جو عندي على طول قالو كيف قلت والله شفت صقر وحتى صدره ابيض ظهره بني وفي خط بني من عند عينه الي الخلف وقال واحد والله شكله صقر ياولد قالو العفش مايجي ابيض من ناحيه الصدر يم قالو كذا انا صراحه تحمست زياد قالو طيب وين محله قلت هنا قريب قالوا طيب يالله نروح له نتأكد قلت يالله بسم الله المهم اخذهم وديتهم للمحل اللي في الصقر راح اخوي قرب منه شوي شوي وجا قال ياولد هذا صقر بس ذحين ظلام ما نشوف زين وراح الثاني ونفس الكلام قالوا نظوي عليه قلنا نخاف يطير قالو شكله صقر لان من قدام الصدر ابيض والظهر بني بس كانو يقولون لي هذا اكبر من الصقر شوي المهم حنا في حيره من امرنا دقينا على واحد من العيال وعلمناه بالسالفه قال ياولد انا اعرف واحد عنده خبره بالصقور اكلمه يجيكم اوكيه قلنا اوكيه والله الرجال ما نعرفه الا من الرجال ذا المهم تواعدنا الساعه 4 الفجر وجا الرجال واحنا في قمه الحماس والا ذاك الجيب الربع والحركات والكشفات المهم انا معاي صوره للصقر المهم سلمنا عليه وعلمناه بالقصه قالو حنا معنا صوره نبي نختصر المشوار المهم وريناه الصوره والا الرجال بردت اعصابه قال هذا يابن الحلال مو صقر قلنا كيف انا معهم استحيت وسويت نفسي يعنيني المهم يقول هذا طير بحر قالو كيف قال هذا طير بحر كبير يابن الحلال قال اصلا ذحين مو وقت صيد المهم تفشلنا وراح الرجال وحنا راجعين علقو علي العيال يا قولون اللي ما يعرف الصقر يشويه انا زعلت كيف ليه انا مااعرف افرق بين الطيور المهم مشينا ونا قلت لازم انزل هالموضوع في منتدى مكشات اتعلم منهم وسامحوني ان كنت ثقيل عليكم ايوه الصور حقت الصقر هههههههههه http://store2.up-00.com/Jun11/03g27336.jpg http://store2.up-00.com/Jun11/IPX27336.jpg http://store2.up-00.com/Jun11/PG327336.jpg لا حد يرد لسى في شى ما نزلته وسامحوني اذا كنت ثقيل عليكم |
| الساعة الآن 09:35 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir