منتدى استراحات زايد - قصة كل واحد مع طيره

بسم الله الرحمن الرحيم
السلام عليكم ورحمة الله وبركاته

تقبل الله منا ومنكم والمسلمين والمسلمات صيام هذا الشهر وقيامه

جيتكم بخيمة الصقور شارد من خيمة القصايد ويدي تاكلني ابكتب كم قصيدة لكن حاولت اني ابتعد عن القصايد لو ان مافيها شي. لكن شي اولى من شي اقصد التفرغ للعبادة بالشهر الفضيل ونسأل الله لن ولكم القبول.

اليكم ماحصل معنا؟؟؟!!!!

انا واخوي الصغير غشمان بالطيور.واشترينا لنا وكريتين من وكارى السودان.اشتراهن لنا رجال يعرف بالطيور الله يجزاه خير.

المهم
الطيور وحش يبي لها تدريب(وحنا اوحش منها يبينا ايضا تدريب) الحاصل انا اخذنا الطيور بعد العصر بصيهدن زين وكبير اللي لو يغدي الطير يمكن نشوفه ونطرحه.

الطيور وحش ولا دربناها المهم حطينا كل طير على وكره ثم فكيناهن من الوكر وربطنا كل طير بصلو طويل وندعي واحد منهن على الدس اللي فيه علفه.نبي الطير يجي عليه.طبعا مدربينها كلها الطيور انها تعلف على اليدين.
المهم تشاورنا وقررنا انا نربط الصلو بشي ثقيل. ولا عندنا غير مفتاح العجل حق السيارات (الصليب) اللي على شكل + معروف.

وندعي الطير من بعيد. اثري الطير يرتفع ويتل المفتاح بقوة. والمرة اللي بعدها ماطار الطير ونشوفه مايركد على الوكر زين ومشيته وحاته مااعجبتني.

وبعد كم يوم لقيت الوكريه ميته بالبيت جنب الوكر. انملخت الطيره من المفتاح يوم شدته بقوة.ندمت ندم شديد على موت الوكريه (والطير مهما كان قيمته .له قيمة وغلا عند راعيه) حزنت على ماصار وكان بسبب الجهل والاهمال ولو شاورنا لنا احد من البدايه كان دلنا ونصحنا وعلى قولت المثل( اللي ماله شوير يطيح بالبير).

وقلت قصيدة قصيرة متواضعة حول ماصار:

#poem_4e424f83edca6 td {font-family: Tahoma, Verdana, Arial, Helvetica, sans-serif;font-size: x-large;font-weight: bold;} الطير راح وكل موجود رايحhttp://vb.ma7room.com/clear.gif http://vb.ma7room.com/clear.gifولا ينفع بوقته كثير الحسايف جنب الوكر الطير من امس طايحhttp://vb.ma7room.com/clear.gif http://vb.ma7room.com/clear.gifوانا من اللي صار بالبر خايف ياليتني شاورت وقت البرايحhttp://vb.ma7room.com/clear.gif http://vb.ma7room.com/clear.gifاهل الطيور العالمه والعرايف وياليتني سمعت بعض النصايحhttp://vb.ma7room.com/clear.gif http://vb.ma7room.com/clear.gifبدال اصفق وين زين الوصايفارجو ان يشاركنا كل واحد منكم بتجربته مع طيره. لنستفيد ويستفيد غيرنا.وحتى لاتتكرر بعض الامور عند المبتدئين كما حصل معنا.

واستودعكم الله الذي لاتضيع ودائعه