منتدى استراحات زايد - throttele position sensorاحد سمع فيه

السلام عليكم ورحمة الله وبركاته
الاخوه الاعزاء قبل مده بسيطه شريت سياره جمس سييرا 2008 حجم 1500 8 سلندر من سيارات الرجيع بالوكاله ؟ والسياره كان يطلع فيها علامة المكينه او الشيك انجين وطلبة فحصها من قبل الوكاله وقالوا لي هذه يبقالها اعادة برمجه والسياره مافيها شيئ بس اسبوع ورجعت العلامه تظهر فيها ونصحني احد الاخوه بتغيير البنزين من 91 الي 95 والحقيقه اختفت العلامه مباشره بس بعد يومين اظهرت مره ثانيه وهي تطلع وتختفي والحقيقه الشيئ الوحيد اللي لاحظته ان غيار القير الاتوماتيك بالاول ثقيل ويطول لين مايغير وباقي الغيارات ممتازه والسياره صافيه والحمد لله وزيت القير نظيف
الشاهد اخذت السياره لورشة احد الاخوان وطلبة منه يفحصها على الكمبيوتر بس وقتها العلامه ماكانت طالعه وطلب مني ارجع له متى ماولعت العلامه لان الكمبيوتر لا يستطيع يطلع الخلل الا اذا كانت العلامه والعه ورجعنا وفحصنا السياره عنده بعد ماشبت العلامه وقالي ان الكمبيوتر طلع عندك التالي throttele position sensor وهذا حساس يتحكم بفتحة دخول الوقود والهواء بالكربيروتور ويبقاله اما تغيير او تنظيف القطعه هذه
انا بحثت في النت وتحت مسمى هذا الحساس وحصلت ان فيه علاقه بينه وبين تعشيقات القير وكذلك ارتفاع قرأة ال ار بي ام
هل هذا الشيئ مر على احد من قبل ياليت احد يفيدني
محبكم اخوكم ابو وليد