|
الذاهبة الذاهبة الله اللــــي راد والعــقدة قضاها اللــي عـــــقدها لا عــــلى الدنيا سلام ولا لباقي العمر زينة الفضى ما كنــه إلا خيــــمة طــــاحت عمـــدها والــــفرح ما كنــــه الا شيخ أنقصت يدينه والعمر قطعة زجــــاج انكـــسرت ولا طال أمدها والعــــرب في العيد بدموع اليتامى مستهينة والشوارع لفها ثــــوب الظــلام اللي هــــجـــدها والبيــوت إطلال من عقب المحبة والسكينة والشتـــاء والليـل والبرد وسماء يصــــرخ رعــدها والعــــيون اللـي وراء الشباك مذعورة حزينة طولوا في الكهف الأصحاب وبقــت روحي وحدها كنهــــا في كــــوكب ثاني خلا من ساكنينة الـــــوداع اللـــــي بعــــلم العين يعبر من رمدها والـــــوداع اللي بلا علم قفى لصدري غبينة والـــــوداع اللـــــي بلا رجـعة علي أمر وأدهــى والله أنه غـــرغرة ســــم وسكــاكين سنـينة والعنود اللي جفيـــت النـــاس والـــــدنيا بعدها مدت الفــــرقا لغاليهــا وهي تعطـي الثمينة وينها كيـــف أتـــــركتني ليه مــاجت في وعدها والقــــمر لاطل خــــابرها تـجي بيني وبينة رحـــت أنادي واتلمس في مهــــب الـــريح يدها كـني حصان بلا صاحب طوى البيداء حنينة رحت اصيح الصبـــح وينة والعرب مــا رد حدها ما سمعت إلا صدى صوتي يقول الصبح وينة كنهـــــم من يــــوم ذيك الشمس غابت عن بلدها طلعـــوني في النفود وصكـــــوا أبواب المدينة كنهـــــم من يوم ذيــــك الــــذاهبة محد وجدها كـــل رجال من الشرهة قلع في الدرب عينة أثـــرها ماتت ومـــا تت كـــــل فرحه في مهدها والربيع اقفـــت به اللي كانت التاج لجبينة جاورت عقب ا لــــحدايق حفرة ما اقسى لحدها حفـــرة مـــاني مصدق كيف ضمت ياسمينة للحــــزن فيني مثل مــــا للطهــــارة في جسدها ويش اسوي لا فتشت اللي لها وسط الخزينة زخرفت حلم وبنت له مسكن وسمــــت ولــــدها آه لـــو غرت ولــــدها في خمــــيلة والـدينة عـــاهدتني وظفــــرت بيمين أقــــوى من عهدها والصــــبي لا خير فيه أن كان ما نفذ يميـنة مــــا تبـــقى مــن رثاها عــــــرق أكتظ بشهدها ولا تبقى خــلف قضبان الجفن عذرا سجينة كيـــــف عند العـــالم أيام العزى ماحصى عددها وإلا أنا طالت شهــــوره والله أعلم كم سنينة لا الثــــرى فيها نبات ولا الــمشي خفـف نكدها لا السماء فيـــها طيور ولا البحر يـمه سفينه لا القمــــر هذا مســــاه ولا العصـــي هذا رغدها لا الــــزهر هذا شــذاه ولا الذهب هذا رنينة قـــــالوا الشيخ الفـــــــلاني مرجع القوم وسندها قال يبشر بالــعوض والعلم جيـــــنا نا قلينة ســـــاق لك بدر البدور اللــــي نشدها من نشدها جــــادل هـزت عروش وخيبت روس ذهينة قسمــــها في رسمها في جسمــــــها إلا في رشدها وأسمها أنجال الغضب قومه على الالسن رطينة أتــــــرك النــــاي وعطية شيخنا غــــن لسعدها وانبســط ياعم وانسى اللي وراء التربة دفينة قـــــلت ولصدري تنـــــــاهيت تـروع من شهدها آه وا ويــــلاه من يــجذب على قلبي ظنينة خــــــلوا اغلا ذاهبة تــــــرعى ربيع اللي فقدها والعطــــى راعية محـــد صوبة الله لا يهينه لو ظمنــــت الجنة تفاحة القلـــب وشـــــــهدها قلت من بكــره عسى مجنونها تا قف سنين شعر / ناصر القحطاني |
رحـــت أنادي واتلمس في مهــــب الـــريح يدها كـني حصان بلا صاحب طوى البيداء حنينة رحت اصيح الصبـــح وينة والعرب مــا رد حدها ما سمعت إلا صدى صوتي يقول الصبح وينة تسلم اخوي اسير وربي يعطيك الف عافيه |
السلامـ عليكمـ والرحمة الله وبركاته طرحـ بغاية الروعهـ سلمتـ يمينكـ عالطرحـ الغاويـ يعطيكـ الفـ عافيهـ غناتيـ عسااااكـ عالقوهـ غلايـ نتريا يديدكـ ربي يحفظكـ تقبلـ مروريـ الاميرهـ الصغيرهـ |
السلام عليكم ورحمه الله وبركاته ثانكس ع النقل والله يعطيك العافيه وبنتظار اليديد والمميز من صوبك |
| الساعة الآن 11:36 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir