منتدى استراحات زايد - من روائع طلال الرشيد (رحمه الله)

ياهوه وقف

ياهوه وقف وين عقلك موديك مهوب انا ألي اقبل اكون عادي

لاتحسبني يوم تقفي بناديك انا الذي لاقفيت تموت تناديني

إلى متى قلي بااسكت واداريك وانت عديم احساس تايه وغادي

لاصرت عايف ليه اهدي واهديك مهوب حبيبي من يدور عنادي

ماني بكيفك يوم تطفش اسليك انا تراي احساس ماني جمادي

زودت في كبر الخطايا تماديك ماعادني صابر على هالتمادي

وحده بوحده مثل ما آخذ اعطيك وأنت ترى المخطي ومن كان بادي

يوم يجيبك يوم عقلك يوديك لاابيض ولا اسود لون طبعك رمادي

/

/

/

/

انا ماتغيرت

انا على حطت يدك ماتغيرت بس أنت قلي وش سبايب غيابك

نسيتني والحين يعني تذكرت والا الهوى من دون تدري مشابك

والا على خلا يحبك تكبرت والازمان كان ضدي غدابك

ليتك علي في غيبتك يوم سيرت وتشوف شوقي كيفك كان لجنابك

اعاتبك من كثر مافيك فكرت وعقب العتب من كل قلبي هلابك

/

/

/

/

/

وحشتني

وحشتني قالت ورديت انا أكثر قالت انا اكثر وان بغيت اتحداك

قلت انسحب على تحديك مااقدر معقول انا اتحداك وشفيك وش جاك

أنا ألى غبت مع همي اسهر ما اطيق هالدنيا وحياتي بلاياك

حتى اذا ضقتي معاك اتكدر ما افكر الا فيك وأدور رضاك

وألى غلطتي يوم عنك اتعذر غلاك عندي دوم يدمح خطاياك

حتى اذا نمتي تراما أقدر اصبر لولا غلاك بخافقي كان صحاك

/

/

/

/

/

حصل خير

عطيتني صوره ولك صوره غير حطيتِ لي نفسك ملاك ومثالي

معك اندفعت وجيت من غير تفكير وما اقول افكر وضعك خيالي

قلت انتهى ليل السهر والمشاوير قلت انتهى همي وهنيت حالي

لاتقولي آسف وتبدي معاذير موغلطتك ذي غلطتي من هبالي

مشكلتي اني بعجة الهرجه أنا اطير والمر أحسبه بعض الاحيان حالي

يله بسيطه يا حبيبي وحصل خير بتخيلك اول وأحطك قبالي

وما اقول فيك عيوب واجد وتقصير بس عاد ما توصل حد المثالـي

تحيتي لكم