|
مابين حق النفس والدنيا وحق الوالدين ... ومابين تجريح العباد وهرجها وسكاتها السلام عليكم ورحمة الله وبركاته مابين حق النفس والدنيا وحق الوالدين ومابين تجريح العباد وهرجها وسكاتها ومابين رغبات اليسار ورغبه اصحاب اليمين انا ضحيه عالم(ن) تمشي وراء مشهاتها طيب واحب الطيب وامشي في سلوم الطيبين لكن قلوب الناس تصدمك نياتها الطيب فاقدله عرب والحق فاقدله عوين والحسد اكبر ظاهره تشر علي راياتها والحب نغمه مابها غير التوجد والحنين كم سربتن عاشت وماتت مالقت غاياتها العفن يلقى حاجته والخبل صار هو الذهين والناس فزة للعفون ودوره مرضاتها البارحه فكري يقلبني وراء ذاك البطين وتطري علي سلمى وتطري علي جلساتها الله مزينها وجاعلها متاع الناظرين بنت الرجال اللي تهيب منخاتها حنا تربينا على الهيبه مع العقل الرزين مانحني الهامه مثل اللي حنة هاماتها رجالنا لوهو ضعيف مايجنبك السمين يومنها بعض العرب تبلشك في لجاتها احد(ن) ذبحلك مصلحه ويضحك لك الحاجبين وماتدري انه عقرب(ن) ماتنومن من غشاتها واحد(ن) يذكيها ولايدري تراهـ انت منين يمناهـ في درب المراجل تعجبك مداتها وترا الحيا ساس المراجل ينفعك دنيا ودين والمرجله لابد مانك تعرف اوقاتها والفخفخه والطخطخه والكبر للقلب اللعين والعقل هو سوق الرجال اللي علت قيماتها وانا ليا قربت ثم طالعتني عين(ن) بعين عرفت وشلون الاسود تهابها بسكاتها للشاعر عبدالكريم الجباري |
وعليكم السلام ورحمة صح لساانـــ الشاعر انا ضحيه عالم(ن) تمشي وراء مشهاتها طيب واحب الطيب وامشي في سلوم الطيبين لكن قلوب الناس تصدمك نياتها والله يعطيج العافيه ونتظر منك زوود كلمات فى قمة روعة وتقبل مرورى |
صح لسان الشاعر وناقل القصيد ماشاءالله اختيارج للقصيد دايماً يكون مبني على قصة أو قضية تحاكي القراء ,, تقبلي مروري الياسي |
مشكورين ع المرور الطيب . . |
| الساعة الآن 12:38 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir