|
ْْ مهم جداا ْْْ زواج اليمنيات وهم صغار ** (( حوار بيني وبين يمني وعتاب ))** http://www.arabiyat.com/magazine/uploads/sanaa.jpg السلام عليكم ورحمة الله وبركاته مرحبا في ألي يدخل الموضوع زواج اليمنيات صغيرات السن (( 8 . 9 . 10 . .... )) كنت في القرية اليمينيه في القرية العالمية وناداني صاحب العسل وقالي أقرب وعاد لا زم الحملة التقليدية (( خذ فكرة )) قلت له أوكي باخذ فكرة بس بخاطري لك سؤال أمير الجزن : الطيب ليش تزوجون بناتكم وهم صغار اليمني : أحنا معانا لازم نزوجها وأذا ما زوجناها تجلب لنا العاااار تنكس الشنب في الأرض البنت مالها غير بيت زوجها ولا القبر أمير الحزن : حشى تعذييب اليمني : أحنا معانا البنت الصغيرة ألي تقول عنها تقوم الفجر تروح العزبة و تشل الحطب وتحلب البقر وتنظف البيت وتسوي الغدى و و و و و و أمير الحزن : بس شو دراها بأصول الزوااج :: فجأة يظهر العامل الثاني ألي في المحل ويقول :: أنا ولد عمي متزوج وحدة عمرها 8 سنين و والحين عنده ولد وهي عمرها 9 سنين أمير الحزن : زين زين الطيب الله يوفقكم أنشالله (( في كلام حذفته وحاولت أختصر في الحواار ألي صار )) السؤال ألي يطرح نفسة شو رايكم بزواج البنات الصغاار وأذا طبق ها النظام في الأمارات شو بيكون موفكم |
ويقال عند العرب والقبايل للبنت في حياتها ثلاث خرجات 1- الى الدنيا (عند الولاده ) 2- لبيت زوجها 3- للمقبرة |
بنت 8 سنوات ما ترون تسوي شي زين منها تشل عمرها يعني يمكن لو عمرها 16 ولا 15 معقوله الوحده تعرس لكن 8 سنوات والله احس انه تفكير جاهلي ماله اي مكان فهالزمن يعني نحن عندنا بنت 16 سنه اذا حد خطبها الناس ردوا وقالوا صغيره بعدها ع العرس وغيره عيل كيف هاي الصغيره اللي بعدها ما تععلمت ولا عاشت طفولتها بصراحه امممم ما اعرف شو اقول والله الحمد لله ان نحن فبلد جيه وما عشنا فمكان عندهم هالتقاليد مع احتلاامي لكل الدول تسلم اخويه ونترقب منك كل يديد |
السلام عليكم ورحمه الله وبركاته مرحبابك خيوووو ... آآآمممم شوف صحيح ان البنت مالها غير بيت ريلها وكل ريال وده يستر على بنته بس مب بهالطريقه وبسرعه سرعه بعدها البنت ياهل ماتعرف شي فهالاشياء ...الريال قال ان تروح العزبه وتنش الفير وتسوي إلخ إلخ .... بس مع ذلك بعدها تكون ياهل ومب واعيه لاشيا كثيره ... وانا احس انه ظلم يعني بعدها ماعاشت حياتها ... وانا ضده بصراحه احسن شي البنت تكمل تعليمها الجامعي على الاقل الثانويه علشان تضمن مستقبلها ... الريال مامنه ضمان الشهاده هي الضمان ... يعني يمكن لاسمح الله يموت هالريال او يطلقها وخلااف وين تدق براسها ...؟ تروح تشتغل وتصرف على نفسها وعيالها >>> اذا يابت عيال ... ونحن مجتمعنا فالامارات مجتمع واعي ... لو يبون يوزون بناتهم ما بيوزونهن في هالعمر ... على الاقل لو كبرت شوي يمكن ... ونحن عندنا ترا زواج البنات وهن بعدهن ما عدن 15 ومافي فرق بين الاثنين بس تكون البنت شوي واعيه ... والسمووحه منك اخويه ما اعرف اناقش في هالامور وايد ... وماحبيت اني امر مرور الكرام ... فداعه الله ...~ |
ما اعرف شو اقوولك .؟؟ بس الحمدالله ناس مطورين ومتحظرين .. وحرام البنت تزوج بهالسن .. ماتعيش حياتها ما تستمتع بالحيا تسلم اخوي ويعطيك العافيهـ |
| الساعة الآن 01:01 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir