ما يستر الرجال ملبوس ثوبه.... الدين وافعال الكرامه له ثياب
 

http://www.ma7room.org/up/images/yck...58p63ufgrd.gif



قصيده بألف قصيده .. شمووووخ وعزهـــــــــ وكبرياااااااء ..


قصيده هزت مشاعري وحنيت للكرامه العربيه ....

حنا العرب يــــا مدعين العروبه
وحنا هل التوحيد وانتم له أجنـــاب

وحنـــا شروق المجد وانتم غروبه
وحنا هل التاريخ وأنتم به أغــراب

يوم الفقر شلتوا علينا عيوبـــــه
واليوم عقب النفط جيتوا لنا أنسـاب

ويوم الفقر فينــــا البداوة سبوبه
واليوم صرتوا مثلنــا بدو واعراب

لو الهوى منكم منعتم هبوبـــــه
لا شك رزاق الملا رب الأربــاب

ولو المطر منكم منعتم صبوبـــه
لا شك رزق الخلق من عند وهـاب

جيش الحسد سقتوا علينا حروبــه
كل يبي يزرع على جسمنــا ناب

حرب على المحسن تراهـا عقوبه
بالله عســـاكم ما تفيدون حراب

يا ما عطينــــا ما ندور مثوبه
إلا من اللي من ترجــاه ما خاب

ويا ما نصرنـا صاحب ضيقوا به
عاداتنا نقدم الى مالردى هـــاب

ويامـــا نصانا من تعثر دروبه
يدخل حمانا من تعذره الأصحـاب

حنـــــا بنينا دارنا من طيوبه
وانتم سلبتوا داركم كل ما طــاب

الله سقانا من بحرنــــا عذوبه
وانهاركم مثل البحر هدر تنسـاب

حنا زرعنا الحب بارض خصوبه
وانتم زرعتوا كره الأجيال بتراب

وحنــا دعينا السلم نوبه ونوبـه
وانتم حمــام السلم بعتوه بغراب

يا من دعا للحرب ما درك خطوبه
لا تحسب أن الحرب تهديد وخطاب

من شب نار الحرب يصلى شبوبه
ومن ثور الفتنه تعرض للأسبـاب

ما يستر الرجــال ملبوس ثوبه
الدين وافعال الكرامــه له ثياب

ما يقبل الرجال بحمـــاه حوبه
مـــا دام له حق وللحق طلاب ...

وسلامتكم ..

>للشاعر المبدع دايم السيف

حلوووه القصييييده


صح لسااان قااايلها



لا هنت