|
جديدي بعد غياب .. ^^ .. حياكم السلام عليكم ورحمة الله وبركاته كيف حالكم يا اخوان عساكم الا بخير وصحه وسلامه .. وينكم ياخي ,, مالكم شوف ^,^ .. شو هباتكم .. كيف دنياكم ان شا الله كل شي بخير .. تعرفون امنو انا .. ولا ؟ هههههه انا النورس :426: خخخخ بعد ما كنت متابع بصمت ,, قلت لازم أنطق شويه ^,^ .. مر الوقت .. وتغيرت الاحوال وما ندري وين نحن الحين ^^ .. نزولا عند رغبة احد الأعضاء .. اللي لهم مكانه لكم مني اليديد .. .. قصيده هي لمن يرى أنها موجهة ً اليه ^^ .. كانت الأحاسيس فيها _ ربما _ مبعثره ولكنها رغم ذلك ,, لا تخلو من الاحساس ^,^ .., اليكم يا أعضائنا الحلوين قصيده بعنوان : ليتنا نصغر اتمنى انها تنال على اعجابكم وأستميحكم عذرا على الغياب ,, ^,^ أقول : كبرنــــا يــا زمــان الهــم وحـِـنـّا للأســف أطفـــال كبــــرنـــا وْ ليتـِـنا نصغـر ولكن ّ الــــزمـــن يــجري تـــروح أيامنــا الحلــوه وْ يزيــد الهــــم والغربــــال تــروح البسمــه والضحكـه وْ يزيد الغم في صدري حســافــة مــرّت الأيــام وكـــل ٍ لاهـي ٍ فـي حال نسينــا أجمــل اللحــظات والأشــواق مــن بـدري ألا ليـــت الزمـــان يــْـعود مـــره وْ يستـريـــح البال عشـــان يـْـحـس كــل كــْـبير بالذكرى وهي تطري تـــرا صعبه نــِـشوف الوقت يمضي وْ قلبـِـنا ما زال يـــحاول دوم يتذكر زمـَـن قد مــــات وهـــو يـــدري كبرنـــا واكتشفنـــا الـهـم وهــو حطـّـم لنــا الآمال تـــحـَــرينا الكبــر نــــعمــه ولـكنــّـه ظـهـر شـــرّي يــليـتــه ما مضى من سعـْـد لو هو ينشرى باموال بــَـيــَمـّـع كـل مــا عندي وْ بـقوللهـم انـــــا أشري نسينــــا يــوم نتيمـّـع على الألفـه وْ يـِـطيب الفال متـــى بيعـــود ذاك الــيــوم لـنـّــه ملـّـنــي صبري نــسيـنـا كيــف جمعتـنــا فـيوم انــهـا تـِهـِد جـْــبال ولا هــــم ٍ يفـَـرقنـا ولا حتـــى بكــــى ســـــطري أنـــا لا قلت ويـــن انتــوا تــرا كــان العـِــــذِر أشغال صــحيــح انــّـه عـِـذِر دايــم ولكن مــــا جرى فطري واذا إنتـــوا سـألتـونــي تــرا بــاعيــد هــــــــالموّال بــــقوللكم أنـــا مشغـــول وجــايــز عذْركــم عذري حـقيقــه مــا لنــا أعذار واضــح هــالـــوَلـَـه قــد زال وانـــا مـــدري إذا صــادق لأنـّــه تـــاه بــي فـــكري أنـــا مــا ظــن بــانّ الدمـْـع لـو هـو بيدنــا قـد ســال ولا آحيــد بــان الشـــوق هــو فقلــوبنــا جبــــــــري تـــرا مــا ينـجـبــر شخص ٍ إذا فـي غيبتــَـــه قد طال علـــى العــوده إذا طـــوّل تـــرا فــي غيبتــه حـُـرّي وانـــا مقدر علـــى شـوقـــي لأنـّـه داخـِــلي شلال ولا أقـــدر ولا أقـــوى علــى تــأثيــره الـــــــسحري على فكره ترا مهمــــا الدّمــِــعْ فعيونـــنــا همــّــال تلاقـــي الورْد زاهــي مــا نـِـقـَـص من لونـه الزهري بـعـَـد ما يـْـمر هذا العمـْـر وحتى القلب يصير أطلال بـَـعـَـد ما ينــْـتهـي وقتي بعـَـد مــا ينكـِسـِـر ظهري بـَـعـَـد مـا تغـْـمض عـْـيوني بعد ما جثـّـتـــي تنشال بـَـعـَـد ما رْحل بلا رجعه بعد مـــا ينـقضـــي دهــري بـقـولــلـــكم أنـــا هـــالـــحين لا وتـْــأكدوا فــــالحال تــرا حبــي أنـــا العـذري نعـم فـي داخـِـلي يسري شعر : خالد الشامسي النورس ^^ ولكم مني فائق الموده والاحترام وللحديث بقيه ,,,, ~ |
محجوووووووووووووووووووووووووووووووووز : احم احم احم وعليييييكم السلاااااااام و الرحمه نحن بخير و من صوبك ^.^ .. بربك الا مرتاح .. وكيف ما نعرفك .. ؟ .. و هل يخفى القمر ^^ : ع حظك .. انا اليوم بس رديت المنتدى .. و قلت خل اشوف قسم الشعر و جااااااان الاقي قصيدتك .. ههه ووناسه اول رد ^.^" ........~ : تـــرا صعبه نــِـشوف الوقت يمضي وْ قلبـِـنا ما زال يـــحاول دوم يتذكر زمـَـن قد مــــات وهـــو يـــدري كبرنـــا واكتشفنـــا الـهـم وهــو حطـّـم لنــا الآمال تـــحـَــرينا الكبــر نــــعمــه ولـكنــّـه ظـهـر شـــرّي : صح الســاانك ْ~ .. والله انك ابدعــــت ^^ وبصرااااحه الابدااع مب غرييب علييك ^_^ : في ذمتيه انه القصيدهـ.. غرااااام و تغــــــرم ^^ : نترياا كل يديد ......ْ~ ما نقبل الصمت ^_* : |
وايد فنتكــ،،، يسلموو |
صح لسانك اخوي واعتلا شانك توه نور القسم |
اقتباس:
مديم الخير يا رب ^,^ .. يه يه يه وانا اقول من وين ظهر النور ^^ يا حي الله عيناويه انتي بعد قاطعه شرات القمر مره فالشهر ^^ مب انا القمر عيل ,, أثاريج الا انتي القمر ههههه ,, نورتي الصفحه والله ولج كل الشكر على مرورج وتواجدج ما تقصرين ^^ وصح الله بدنج مرورج له مكانته لا خليت ولا عدمت ربي يحفظج |
| الساعة الآن 10:48 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir