|
تدرين أصدق حب يطلع من الجوف .. حب الفقير اللي عشق له فقيره .. ! http://up101.9ory.com/v/10/05/26/12/15494052390.jpg يا بنت وجه الخير بيّن و معروف لو ما تكلم شافت الناس خيره و الوجه الاقشر ماهو بحاجة اوصوف يبان حتى للعيون الضريره من عاش يتبع خطوة المال ملهوف رزقٍ كتبه الله .. مافيه غيره الخوف لو ينفع .. نفع صاحب الخوف اللي على حقه يدينه قصيره الضعف ماغيّر قدر ناسٍ ضعوف عاشت صغيره ويوم ماتت صغيره كلمة احبك بس من اربع حروف وتحكي احاسيس ومشاعر كثيره الحب اكبر من سهر ليل وطيوف ماتفهمه حتى القلوب الكسيره تدرين اصدق حب يطلع من الجوف حب الفقير اللي عشق له فقيره احلامهم تكبر من ملامس كفوف وتكبر من اشواق العشير لعشيره كنه معاها لو على ضلع مكشوف داخل قصر يجمع امير واميره احساسهم صادق بلا كذب وزيوف كل ٍ يقول اللي يريّح ضميره احساس طفله عندها العيد نفنوف تظن من تلبسه صارت كبيره وانا لحالي مجابه صفوف وصفوف واليا خسرت اقول فدوه وخيره اطيح و أوقف وابعد الشوف واطوف اخذ قليل الزاد وارحل لديره اترك كثير الزاد واكسب معروف ترك الكثير يجملك في مصيره يمكن يجيه انسان هالك من صدوف يلقا من اللي تاركه مايجيره شايف من الدنيا وعايف بشر عوف اجناب والا من رجال العشيره مرت علي اظروف واظروف واظروف ماريحت حتى العيون السهيره وللحين راسي راس وكتوفي كتوف ماغيّرت مني ليالن عسيره مدام فيني حيل وعيوني تشوف والله معيّشني بحاله ستيره والله لستقبل على بابي ضيوف لو ما املك الا دلتين وحصيره |
السلام عليج ورحمة الله وبركاته مسساج/ صببحج الله بالخيير اول شيء صح لسان القايل وتسلم ايادي الناقله وانا مستانس اني اول من يرد على الموضوع دايم متمييزه بامواضيعج الرووعه اتمنى لج التوفيج الى الامام دووم اتريا يدييدج بكل شغف تقبلي مرووري بكل ودد اخوج يوســــ العازبي ـــــي |
السلام عليكم نآيس القصيده صح لسان قايلهاا تسلمين ع النقل ربي لا هانج |
مشكورين ع المرور الطيب . . |
قصيده تدل على تواضع الشاعر حقيقه ويبدو انه اتهم بالتكبر او حاول من خلال هذه القصيده اظهار الجانب الابسط من حياته قصيده اعجبتني وفيها الكثير من ضعف الحال الذي بالاساس هو قوة حال وشخصيه ثانكس على النقل المتميز والي تعودناه من فتنه :) |
| الساعة الآن 11:29 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir