رن الجرس
حطوا على ابواب المدارس حرس
>
ثاني الحصص : روح الطفولة
ياهي اجمل مرحله واصدق احساس
الناس اتشوف في عينك براءة
وحضرتك !؟ .. ماتشوف الناس ناس !
كل همك العاب .. وسلة حلاو .. وودوني الملاهي
تعيش عمرك بدون هموم .. ساهي ولاهي !
فجأة !!.. بلا سابق وعد ..
تمر هالحصة سريعة .. ولايدري أحد !
♪♪
♪
♪♪♪

رن الجرس
حطو على الساحة حرس
وقت فسحه !!.. أو فسحة من الوقت .. ناخذ نفس ..
احدن بقى صاحي .. واحدن غلبه النوم ونعس
واكيد في لحظة ..
تمر هالفسحة سريعة ولا يشعر أحد






الثالثه : ثورة مراهق



هنا .. تتشابك الرغبات وتضيع المبادئ ..


يومين متسلط عنيف .. ويوم هادي ..
ماتعرف مين يصلح لك .. ومن ترافق !؟
وماهي مشكلة كيف تفهم نفسك ! او كيف نفسك تفهمك ؟
المشكلة كيف انا وانت انتوافق ..
تمر هالحصة سريعة ولايشعر احد !





الرابعة : شباب وفتوة



هنا هنا .. استثمر القوة ..


دينك والوطن محتاجك .. تعيد امجاد اجدادك
وتعزز ثقافة هالبلد !
انتبه !
لاتمر هالحصة بدون .. (اصرار بنت وبصمة ولد)!





الخامسة : رجولة



مستوى .. مو أي شخصن يطوله ..


وفي هالوقت بالذات ..
اذا بغيت تكون فعلا رجل !! .. خلك رجل ..
هذا اللي ممكن أقوله ..


>


السادسة : صرت شايب



ماعاد باقي كثر ماراح


وش فيك ياعمي ؟ اكيد انك تعبت ؟ من حقك الآن ترتاح ...
خلاص يكفي جهاد وصبر
وانت ماتقوى على السير .. رجل في الدنيا ورجل في القبر ..!
يالله حسن الختام .. واغفر له قبل يرقد في اللحد ..!
عمنا خرّف .. ماعاد يعرف أحد ..!

♪♪
♪
♪♪♪




الحصة الأخيرة : لـ وين المصير؟
رن الجرس ..
حطو على ابواب المصلى حرس
حان وقت الصلاة .. ياعباد اللــه ..
صلو صلاة الغائب .. على الضمير الغائب ..
المستتر بأول العام الدراسي .. المنتهي بـ آخر العمر الأساسي
فضلا .. اجمعو الطاولات .. ورتبو وضع الكراسي !
وقتها .. يدور في نفسك ونفسي سؤال !؟
كيف مرت اسابيع الدراسة من العمر ..
وكيف مر العمر بلا دراسه .. !!
نعم .. وصلنا النهاية بلا سابق وعد .. ومن غير مايشعر أحد !
اليوم انا وانت .. ياشقي .. ياسعيد !
هي كذا حياة المدرسة .. هي كذا مدرسة الحياة ..
فصل طلاب الرسوب وفصل طلاب الكفاح ..
فصل سعيد .. قطعا حقق اسباب النجاح ..
وفصل شقي .. اشبع العمر فوضى ..؟ .. وصد وجحد !!
والنتيجة للأسف .. لم ينجح أحد !!!؟