|
رحلة الحياة هذي وحده من صور البورتري الي شاركت فيها في معرض تصوير و اعتبرها من اكثر الصور المعبرة مش لنها مجرد صورة بل عشان القصة الي يحملها الشخص الي في الصورة هذا الشخص استوقفني في احد رحلاتي التصويرية ولو تعرفون قصته بتتاثرون في ملامحه ويهه و بتحسون انه صدق تقول ها القصه هذا واحد من بنقلاديش تخيلو انه يشتغل في الخور من قبل قيام الاتحاد قالي قريب ال40 سنه و يسير عشان لقمة العيش الين الصومال في كل شهر عشان يودون بضاعه ما تيبلهم الا الشي البسيط و راتبه ما يطوف ال1000 درهم ... .. . http://www.uaemusics.com/uploood/ima...9l5k7gs4yj.jpg و العبرة من هذا كله يا اخواني و خواتي المصورين الي اكثر مصويرنا ما يهتمون له هو القصه الي ورا الصورة كل صورة تحكي قصة او مشاعر من معانى او سعاده او اي نوع عاطفه و الي شارك فيكم في مسابقات او معارض بيعرف عن شو اتكلم لجنه التحكيم يوم اتشوف صورة غير جمال الصورة تشوف شو المعانات و المخاطر الي واجها المصور عند تصويره و ايضا شو القصة الي خلف الصورة سواءا منظر او شخص . . فنصيحة اخوكم مستر انمي اكتبوا قصة ( و المفترض تكون حقيقيه ) مب تشوفون فلم عندي و تكتبون القصة يوم بيطردونكم من المعرض ولا المسابقه لا تردون عليه :خ8: و شكرا :7799: |
، يآ هلآ ، صورة معبرة جدآ ، و قصة مؤثرة ، آلله يوفق آليميع في حيآته ، تسلم ع آلصورة آلمعنوية ، لك كل آلشكر . |
\ السلام عليكم ورحمة الله فعلا صوره مؤثره جدآآ .. واللي يعطي جمآل اكثر للصوره انه يكون لها موضوع معين وتعبر عن شي مش مجرد صوره والسلام .. تسلم ع الصوره الجميله والمعلومآت اللي قدمتهآ لنآآ استمر ونحن متآبعينك =) / |
ماشالله عليكـ تصويرك فنتك الصوورة تعبر عن كل الكلام اللي قلته يعطيك العافيه في انتظار النيو منك اختك عشووقهـ |
وعليكم السلام ورحمة الله وبركاته. الله يسامحك، حزنت عليه وايد..! الله يحفظه، و يجزيه الخير على اللي يسويه، نظرته فيها ألم و أمل في نفس الوقت. ربي يعينه وايفك ضيقته، وصدقك، الصور أصبحت تجريدية من معنى الاحساس الداخلي، وبس تخلينا نحس فيها خارجيا من مناظرتها بس..! تسلم على ما أبديت وربي يعطيك ألعافية. أبدعت في المضمون والعنوان. |
| الساعة الآن 09:26 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir