|
ياهو سقم و بهانس ..لا ساقو لا هريـس.. * السلام عليكم و رحمة الله و بركاته صبآح / مسا النور و السرور ، و الشتا الجميل ~ نرجع لكم بسالفة و قصيدة و عساها تنال على رضاكم ^^ يقولون في بداية السبعينات ، و أول ما تموا العرب يسوون في رمضان حلويات تُعتبر غريبة عليهم مثل كريم كراميل و جلي و خلافه من الحلويات . جاء واحد من البدو عند ناس اقرباء له من البلاد ، و حطوا له الفوالة و القهوة ، و كان من ضمن إللي حطوه مع القهوة طبق جلي ، و من عادة أهل البر ياكلون باليد ولا يعرفون الأكل بالملاعق ، المهم الريال بدا ياكل باليد لين وصل طبق الجلي و صار كلما يمسك الجلي ينزلق من يده ، و بعد محاولات كثيرة لم تفلح ، سأل شو هذا الأكل إللي كل ماقبضته ينزلق مني كأنه مايباني آكله ! ، خبروه و قالوا له إن هذا ما ياكلونه باليد ، يبغي مغرفة ( ملعقة ) . قال لهم ألقي الدورة منه و من غيره صبّوا قهوة .. وراح يقول من باب السوالف : ياهو سقم و بهانس لا ساقو لا هريـس ماينقبض و يلامـس يزلق تقـول ابليـس شو يانا من البلايس إلا الطبع الخسيـس طبخٍ عسم متحيـس يشرد و مره يحيـس ماحد غدا مستانـس ارخصني يا خميـس يوم اسحورك عرايس بنخطب لـك بلقيـس نسيت أهل المقايـس والقص و التقييـس * المصدر : مجلة الظفرة و الرحمن يحفظكم |
وعليكم السلآم ورحمة الله ، صبآح الورد .. قصصه حلوه ، وجديده بالنسسبه لي ، يسلم ربي أيآديك همسس .. وعسسآك ع القوه ، |
اقتباس:
هيه وأنا بعد يديده بالنسبه لي ربي يسلمج ويقوويج الغلااا تسلمين ع المرور حبووبه |
وعليكم السلام والرحمه ماينقبض و يلامـس يزلق تقـول ابليـس شو يانا من البلايس إلا الطبع الخسيـس طبخٍ عسم متحيـس يشرد و مره يحيـس ههههه حلووه القصه صدقه الشويبه انزين ربيي يعطيج العافيه ع النقل المتميز بانتظار الاجمــــــــــــــــــــــــل لا خلا ولا عدم :) |
اقتباس:
هيه والله صدقه ربي يعاافيج تسلمين ع المرور بنوووته |
| الساعة الآن 11:22 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir