تقريييير و رحله لأم رقيبه ثاني وثالث العيد
 

السلام عليكم يا اخوان
اليوم جايب لكم بعض الصور من ام رقيبه واللتي قمت بتصويرها في ثاني وثالث ايام عيد الاضحى المبارك اعاده الله علينا و عليكم بالخير و اليمن و البركات.

قررت فجأه انا وصاحبي نروح لأم رقيبه وهو بالمناسبه احد المشرفين في احدى الخيام المجاوره في مخيمنا مكشات :)
جزاه الله كل خير ...جاب العزبه وجاب الخيمه وجاب شغلنا كله بعد ساعه فقط من قرارنا في الذهاب..لدرجة إنه احرجني وانا اللي مدري فراشي هالحين فوق سطح المنزل او في مخزن الحديقه :o.وهو والله ثمرة الرحله كلها الله يجزاه عني كل خير.

يمكن الصور قليله نوعا ما.... وذلك للحيره اللي اعترتني في تلك اللحظات...ماشاء الله الزين كله حولك يالرجال...يمين و يسار و قدامك....سبال و وجيه...وارقاب جرد...ظهور متنكسه ..وغرب...ونظر...والوان.
ثاني ايام العيد في الفتره الصباحيه إلى وقت الظهر ما كان فيه احد..وكان خوفي انا و صاحبي إن الناس معيده ولاهي صوب ام رقيبه...وحنا جايين من الكويت طاااايرين من الصبح تقول الغزو الجزء الثاني :D
بس من بعد فترة الغدا...قامت الناس تتوافد...وقامت السيارات تكثر....و من بعد صلاة العصر...وانت تقول اللللله يستر لا يصدمنا احد من كثر السيارات و العالم و البل.
الحلال واجد و مالي السوق.
السنه الماضيه شبوك البل والعرض كانت اقل من السنه الحاليه, في السنه هذي الشبوك واصله إلى ماله مدى.
الحمدلله كل شي متوفر في ام رقيبه...مطاعم (بس مدري عن النظافه) وبقالات وقصابين وخيام وحطب ومستلزمات البل ومستلزمات طلعات البر و المكاشيت ومخيمات كامله للأيجار.
لاحظت اكثر البل المعروضه هي المغاتييييييير....المغاتييير ماليه السوق.
....تجي بعدها المجاهيم....شفت مجاهيم ماشاالله عليها...تجي بعدها الصفر و آآخر شي الشعل.
طبعا انا اتكلم عن البل المزايين موب الحراسيييس.
يا اخوان لاحظت اسعار الحلال مبالغ فيها مقارنه بمزايا الناقه ...يعني كل شي بميتين و ثلاث ميه...طيب كم بتبيع بمليووون مثلا؟؟؟؟ هل الدعوه فيها تزوير؟؟؟ الله اعلم.

نبدأ بالصور و بعض التعليقات














http://up.arab-x.com/Nov10/eu463105.jpg















http://up.arab-x.com/Nov10/4Zq63433.jpg