إلى خبراء الصيانة مع الشكر الجزيل
 

السلام عليكم ورحمة الله وبركاته

بعد ما اشتريت الباترول الربع 2002 نظام كاربريتر وبدأت في استعماله وبعد ما واجهة مشكلة الحرارة وتم حلها الحمد لله بتغيير الاديتر وغسل المكينة واعادة تركيب بلف الحرارة وكانت النتائج مذهلة حيث لم تتجاوز الحرارة خط الربع الا بملي او ملي ونص حتى اثناء التطعيس بالدبل الخفيف وحتى مع استخدام الثقيل.

وبعدها مشكلة الوقود واستهلاكه العالي والحمد لله تم حلها بشي بسيط وهو التاكد اولا من انه لا يوجد اي مشكلة في الكاربريتر ووزنيته وكان الحل فقط السواقه بحشمة داخل المدينة وكفاني خزان الوقود 390 كيلو حيث لم تتجاوز سرعتي داخل المدينة 80 ومرتين فقط اسرعت على طريق سريع لمسافة اربعين كيلو متر بسرعة 140 اضف الى ذلك كان التبديل بين النمر على ار بي ام 2 وما يزيد عنه ابدا, وحاليا أفكر بتغيير خزان القود لان سعته ماهي كبيرة ولكن راح يكون مشروع مؤجل حتى افتش واشوف واسال اهل الخبرة واسال عن احسن الورش.

والان لي طلبين ولا عليكم امر

ودي اعرف كم علبة زيت بالضبط ياخذ مع السيفون وبدون السيفون حسب المانوال حق التصنيع لانه للاسف ماهو عندي.

الشي الثاني ملاحظ مافيه نعومة وقت التبديل من نمرة الى نمرة وتحس بصوت القير وقت سحبه للفاضي ثم تعشيقة للنمرة المطلوبه اضف الى ذلك لما اسرع عليه بالثالث واعشق الرابع بسرعة يطلع للقير خرشه مدري ليه ولا تحصل فقط الا في النمرة الرابعة وتحديدا لما اعشقة بسرعة لكن لما اسحب بهدوء تحس بفصلة ولما اعشقه بهدوء يلقم بدون خرشه ولكن برضو مافيه سلاسة في التعشيق, وبالمناسبة المشكلة هذي واجهتها في الماكسيما بعض الورش قال انها من عصاة القير وبعضهم قال انها من هلالات القير وبعت السيارة مثل ماهي لكن بعد ماقلت للمشتري عن المشكلة وقلت له كلام اهل الورش.


ارجو المساعده مع وافر تقديري وامتناني للجميع