|
الله يا الشاذليه لا يوليك البخيلين؟؟؟ يقال أن خلده فتاه يتيمه من قبيلة تسكن بطون مكه .. عاشت يتميه مع اخ لها وبلغت سن الزواج تزوجت من قبيلة أخرى غير قبيلتها ..ورحلت مع زوجها غابت عن أخيها سنوات .. وبعد مدة أتت لزيارة أهلها وأخيها .. اخيها يسكن في ريع ذاخر بمكة المكرمة .. و هو موظف على قد حالة والحياه في ذلك الوقت حياة بسيطة وفي نفس الوقت صعبة دخلت " خلده " على بيت أخيها بعد العشاء ما قدر اخوها يدبر حاله ..في الكرم المعهود تعشو من الموجود .. ويوم أصبحو .. استأذن زوج خلده .. وحلف أخوها إنه يتغدا ..بس الرجال كان على عجل .. ألمهم ..رحل قامت زوجة أخيها ..باللازم من الفطور والشاهي كان الشاهي ..هو المتوفر والخبز ..اما القهوه فكانت شبه " عزيزه".. واثر صاحبتنا .."خلده" راعيت كيف ..يعني قهونجيه بنمره واستماره .. جا الفطور والشاهي .. يوم افطرت .. طالعت يمين ويسار .. وقامت تشمشم ..تبي ريحة القهوه .. مااااااااااااااش .. ما بان شي ... عرفت إن ما لها إلا الشاهي ..حق الكداده.. وقامت تفتش في بقشتها .. ومكحلتها .. تبي تزين علشان أخوها قرب يجي والا أزين ما تشوف (( ريال فرانسي )) حاطه رجالها .. في الصره من دون ما تدري سبحان الله يمكن تحتاج كذا والا كذا ... يسمونه ((بداه ))في ذلك الوقت ... ما صدقت خبر أخذت الريال .. ولبست عباتها ..وهوا على السوق .. طبعاً مكة الله يعمرها ..اسواقها ,, حولك حولك ... ما يمديك تطلع راسك ألا و انت في السوق.. راحت لحق القهوه ..وأخذت المعاميل ... كاملة .. لإنها عارفة إن أخوها ..ما عنده شي ... ولا بقا لها غير الدله ... وهي طالعه ..من المحل ..ولا أزين ما تشوف راعي الدلال ,,يقاله الصانع ... مرة عليه ,قالت .. كم الدله ..قال ما عندي إلا الشاذليه ..هذي ..بعشرة قروش .. الشاذليه دله معروفه ما يقتنيها إلا راعي الكيف .. قالت عطناها ... راحت يم البيت ,,ولا زوجت أخوها ... فايحت(ن) كبدها ... وهات يا استجواب ..وينك ,, وليه ... قالت لا تكثرين ,,, وين الكوله يعني القز ( الفرن) قالت هناك ... قامت على المعاميل ...يعني (( القهوه - الهيل- المسمار)) وبهرت الدله ..الشاذليه ... ونسيت أقول إنها شرت ثلاثة فناجيل ..كبار .. حقت الشيوخ ... يوم زهبت الدله ولا أخوها داخل عليهم ... سلام ..يامرحبا... قال أشم ريحة قهوه ... قالت خلده ..تقهو يا خوي لا خلا ولا عدم.... يم رشف الفنجال الثالث ... وهي تهيض ..باهالبيت ... الله يا الشاذليه لا يوليك البخيلين فنجالهم ما يطيح وبنهم ما يقتضونه & & & & & & & & & & يوم سمع أخوها البيت ..... وهو يشهق ويموت من القهر ... مع خالص تحيه رهج القصيد .. |
| الساعة الآن 12:03 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir