اوييييه ربيييعي انزين شو المشكلة !!!
 

السلااام علييييكمـ اعضاااء منتدانا الغااالي .. ~
شحااااالكم .. ؟
احمـ .,.
نبدأ بموضوعنا من دوون مقدمااات ..

>> الصرااحة انا ماعرف اكتب مقدماات :kk_ed:
مممـ .. في هالزمن وااايد من البناااات يرااابعوون شباااب
و يقووولوون انه شي عادي .. !
و مافيهااا شي ، و لو وحده من ربعهاا قااالت لها ترمسييين واااحد !!!!!
تقوووول عاااادي نحن بس ربع :thumbdown:
براااايكم انتو ...
شو رااي الولد يووم وحده ترمسه و تقووله نكووون ربع ؟؟؟
سمعة البنت تخترب و لا عادي لأانهم ربع !!!
شو الشي اللي يأدي لهالموضوووع ؟؟
ليش خلصووو البناات و لا شوو بالضبط !
كيف نغير هالعلاقاات في مجتمعنا ؟؟

و بث .. :169:
شباااب لا تحرموونا من تفااعلكم :a040:

تحياتي .. ~

شو يعني ربيعه ؟
يعني صداقة مؤقتة كمن شهر أو كمن سنة ؟
أو صداقة وعقبها زواج ؟
أو شو بالضبط ؟؟!!


سؤال للولد: تقبل ربيعتك ترمس ويا واحد غيرك ؟

سؤال للبنت: تقبلين ربيعج يرمس ويا وحده غيرج ؟

إذا كان الجواب نعم
هاي مصيبة


وإذا كان الجواب لا
فهيي مصيبة أكبر ، يعني معناتها عادي تكون عنده ربيعه :) وجنه العيد


السموحه منكم
بس العلاقات ما تكون بهالطريقة

اتكون بطرق الباب وعلى سنة الله ورسوله
الزواااااااااااااااااااااااج

آلسلآم عليكم ورحمه الله وبركآته
مسآء آلخير ,
صدآقه بين وآحد ووحده ! صعبه
بآلآخص في مجتمعنآ , لآن هآلشي لآهو من عآدآتنآ ولآ من تقآليدنآ
آلغرب يمكن يكون هآلشي آسآسي عندهم , آمآ نحن " كآرثه "
يمكن في بعض آلبنآت يعترفن بهآلشي , ويشوفن آنه عآدي ويعتبرنه صدق ربيعهن
بس هو !! صدقيني يظن بهآ ميه ظن سوء ,
من متى كآنت عآدآتنآ تعترف بهآلصدآقآت ؟ آو مجتمعنآ ؟ آو حتى آفكآرنآ ؟
هآلعآده دخيله علينآ , ولآهي من ثوبنآ , ويقول آلشآعر :
" آلي لبس له ثوب مآهو ثوبه آن مآنقص من قيمته مآزآده " ,
وآلبيت وآضح معنآه , وآلبنت دآمهآ تعرفت على وآحد وقآلت عآدي آلآ ربع , بآجر بتروح وبتتعرف
على نص شبآب آلدوله وبتقول عآدي ربع , بس عقب يوم يطيح آلفآس بآلرآس! لآتصيح وتقول ليش مآعرست !؟
آو ليش آلنآس ترمس عليه !؟ لآن هي آلي طيحت عمرهآ بهآلورطه ,
يوم نحآول نسوي شي وهو غريب على عآدآتنآ نحآول نشوف آيجآبيآته وسلبيآته ومدى تقبل آلمجتمع لهآلفكره , آذآ كآنت سلبيآتهآ آكثر من آيجآبيآتهآ نحآول نبتعد عنهآ ومآنفكر فيهآ
وآعتقد هآلموضوع آبد مآله آي آيجآبيه وآن كآنت بتكون وحده آو ثنتين , ومع آني جآهله هآلآيجآبيآت !
آتمنى آلفكره وصلت , ويعطيـــج آلعآفيه خيتي
لآعدمنـآ هآلتوآجد .~

وعليكم السلام ورحمة الله وبركاته.

البنات ليش يحتاجن الشباب أصلا ..!

شباب هالايام ما يخلى فكرهم من التفكير الدني .!

والبنات ما ايرابعن الشباب إلا إذا كانت النية شينة ..!

البنت ما تحتاج اترابعهم إلا إذا كان ناقصنها حنان من والديها أو اخوانها، والا وحدة سادنها اخوانها ووالديها ومعتبرتنهم ربعها وأصدقائها ليش ترابع شباب وهم حتى موب من محارمها ..!!!

وحتى ولو رابعتهم، بتشوفينها مستحيل تيلس وياه مع شلة بنات، بس تبي تيلس معاه ابروحها وتفضفض له عن مشاعرها ..!! متساهية عن شي اسمه حرمة الخلوة بين الرجل والمرأة..!

شفت الكثير من هالاشكال .. اللي ما تعرف ربها..!

مير ان شفت مجموعة من البنات جالسات مع ريال واحد يختلف الوضع، والكلام طبعا ما يكون مايل مني والا مناك.. وامراعيات شرع الله..!

أما اللي ترمستي عنها أنتي ... ربيعي .. وابروحها اترمسه .. وترفض أنه يرمس غيرها.. ومدري شو ..

فأحسن لها تروح تكسب رضى والديها وربها.. وتصادق اخوانها .. لأن الحياة قصيرة...!

تسلمين على ما أبديتي .. وربي يعطيج ألعافية.