منتدى استراحات زايد - قسم بالله ماتسوي قصيده في نظر عيني

كتبت الشعر مولجلك ولكن فاض بي بركـــــان
اما انتي فلا تسوي قصيدةفي نظرعينــــــي

حلفتي لي تصونيني اذا صار الزمن خــــــوان

واول ما عثر حظي على دربك خذلتـــيني
كسر رمح الزمن صدري وجيتك اشتكي حيران
نزعتي الرمح من صدري وفي ظهري طعنـتـــيني
خســـــــارة كيف حبيتك ؟؟!
نعم والله انا ندمــان
غبــــي ادري نعم ادري ..مادام انك سكنتـــيني
ثلاث سنين من عمري وانا في لعبتك غرقــــان
اشيل الشوك من دربك وجرحي كان يرميــني
وكنت ابكي اذاتبكي واكون لبسمتك فرحــــان
وكنت اقرب من رمشك لعينك يوم تبغيـــني
عرفتك للاسف صحـــــراءوحولتك الى بنيــــان
وشلتيني غصن اخضر وفي صخرك زرعتيـــني
حفرتك داخلي ظني تصوني عشرتي ازمـــان
وكنت احفرقبر موتي على ساحل شراييني
على كف الشقاءنامت جروحي والالم ســهران
يحطمنــي...يبعثــرني... وفي صحراك يرمينــي

ولكن

عزتي تفرضَ اكون بدنيتــي سلطــــان
وان ظنك اجي اركع لرجلك .....ماعرفتـــيني
اناما عادتي اشحت من امثالك رضا واحسان
اموت بعزتي ارحم ولاذُلِكـ يغطيني
ومادام الوفاء عندك يدور له على عنــــوان
بدور لي على قلب يصون الحب وسنيـــني
ولو قلبي ذكر حبك بولع فيه بلنيـــران
وبكسرها انا رجلي اذا صوبك تودينـــــي
ولو دار الزمن ضــدك وجيتي تطلبي الغفران
وجبتي الشمس في كفك لعندي.. مابلغتــــيني

تقـــول الناس فيو صفك:
جميلة مثل عود البان
وانك اجمل واحلى بشر مخلوق من طيـــني
وانك غالية واثمن من الياقوت والمرجــان
يقوم الكون من شانك وتقعدلك بلادينـــي

حساااااااافة

غرهم شكلك , وياما تخدع الالوان
عموما
.. قد بقت كلمةاخيرة لك واسمعيني

اذا كنتي بنظر غيري ملاك في شكل انسان

قسم بالله ماتسوي قصيدةفي نظرعيني ...